WAHYU 16:14 - JANJAI BLAU Lem Bahaso Jang Bebilai

¹⁴ Tobo'o adeba roh-roh jahat de menea keajaiban-keajaiban. Ketelau roh o lalau magea kute rajo neak kute dunio ngen kemopoa tobo'o utuk tepua pado Bilai lai, adeba Bilai kunei Allah Mahakuaso.

WAHYU 16:14 ပူးပေါင်းရင်းမြစ်များ

MATIUS 24:14

Ngen Bito Baik tetang kero Allah meriteak bakea ke nabar moi kute dunio supayo kute tun temi'ukne. Sesudo'o kiamat teko.”

MATIUS 24:24

Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

MARKUS 13:22

Sebab Rajo-rajo Penyelamat palsu ngen nebai-nebai palsu bakea timboa ngen tobo'o bakea menea tando-tando, mujizat-mujizat ngen maksud, sekirone mukin, mike tun-tun pilihan.

LUKAS 2:1

Pado waktau o Kaisar Agustus kemluea do periteak, meluak sensus kute tun neak dunio.

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

ROMA 1:8

Pertamo-tamo liwet Yesus Kristus, uku mucep syukur ngen Allah kerno Saudaro-saudaro kutene, sebab kute dunio bi temi'uk bahwo udi pecayo nien ngen Kristus.

2 TESALONIKA 2:9

Manusio Jahat o bakea teko ngen kuaso de lai kunei Iblis. Si bakea menea kute mecem keajaiban ngen hal-hal luea biaso de penuak ngen pike.

1 TIMOTIUS 4:1

Roh Allah seca'o tegas madeak bahwo pado maso-maso de bakea teko, ade tun de bakea murtad, lajau temotoa roh-roh de menea tun jijai sesat ngen ajaran-ajaran Iblis,

YAKOBUS 3:15

Kebijaksanaan de awei o asalne iso kunei surgo. Si asalne kunei dunio, kunei nafsu manusio ngen kunei Iblis!

1 YOHANES 5:19

Ite namen bahwo ite de Allah temuan, kunyau kute dunio yo ade neak beak kuaso de jahat.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 13:3

Do neak antaro ketujuak ulau kunei benatang o ketenne awei keno sileak, tapi sileak o bi ka'en. Kute dunio sele, lajau temotoa benatang o.

WAHYU 16:16

Sesudo'o roh-roh o kemopoa rajo-rajo o neak penan de lem bahaso Ibrani senbut Harmagedon.

WAHYU 16:7

Lajau uku temi'uk sa'ei kunei mezbah madeak, “Tuhan, Allah Mahakuaso, benea ngen adeaba ukuman-ukuman de Ko melei!”

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

WAHYU 20:8

ngen si bakea lalau mike bangsa-bangsa de tersebea neak kute dunio, adeba Gog ngen Magog. Iblis kemopoa tobo'o utuk perang, suaktau jumlah de kembiak lai, kedau benei neak laut.

WAHYU 3:10

Kerno udi bi kemerjo periteak-Ku supayo tekun, Uku kulo bakea jemago udi kunei bilai pencobaan de bakea teko moi kute dunio. Hal o bakea tejijai utuk cemubo kute tun neak bumai.

WAHYU 6:17

Bilai lai bi sapei, uyo tobo'o mengiak, coa suang kulo dapet taen teadep tobo'o!”