WAHYU 16:11 - JANJAI BLAU Lem Bahaso Jang Bebilai

¹¹ Lajau tobo'o nyupeak Allah neak surgo kerno tobo'o gis ngen kerno bisoa-bisoa tobo'o. Tapi tobo'o coa kulo tobat kunei plep-plep tobo'o de kidek.

WAHYU 16:11 ပူးပေါင်းရင်းမြစ်များ

2 TIMOTIUS 3:13

dong tun jahat ngen tukang mike bakea tambeak jahat. Tobo'o mike tun luyen padahal tobo'o suang kulo keno pike.

WAHYU 11:13

Mako waktau o kulo tejijaiba gepo lai. Seperpuluak kunei kota o ajua, ngen tujuak ribau tun matei kerno gepo o. Tun-tun luyenne jijai kembiak saben, lajau tobo'o mujai kebesaran Allah neak surgo.

WAHYU 16:2

Malaikat pertamo lalau ngen temupeak si'ing penanne moi das bumai. Mako timboaba bisoa-bisoa de kidek ngen bahayo utuk kute tun de makei tando kunei benatang o, ngen tun-tun de nyembeak patungne.

WAHYU 16:21

Ujen es lai, masing-masing si'ingne lemo puluak kilo, cucia kunei lenget keno tun-tun. Mako tobo'o nyupeak Allah kerno bencano ujen es de kembiak lai o.

WAHYU 16:9

Manusio nembem ngen panes opoi de kembiak panes, ngen tobo'o nyupeak Allah, de bekuaso das bencano-bencano o. Kunyau awei o, tobo'o coa lok tobat kunei duso-duso tobo'o ngen coa lok mujai kebesaran Allah.

WAHYU 2:21

Sesudo Uku melei ngen si kesepatan utuk tobat kunei duso-dusone, tapi si coa lok bedan menea hal-hal de zinah o.