WAHYU 15:4 - JANJAI BLAU Lem Bahaso Jang Bebilai

⁴ Api de coa saben ngen Ko, Tuhan? Api de coa lok melei bito kebesaran-Nu? Ko bae de sucai. Kute bangso bakea teko nyembeak Ko Kerno tindakan-tindakan-Nu de adea bi kenliak kute tun.”

WAHYU 15:4 ပူးပေါင်းရင်းမြစ်များ

ROMA 15:9

Yesus kulo menea bangso-bangso luyen memuliakan Allah kerno atei-Ne baik ngen tobo'o. Neak lem Kiteb Sucai tetulis awei yo, “Sebab o uku bakea mujai Ko neak antaro bangso-bangso, uku bakea mbin legau pujian utuk gen-Nu.”

1 PETRUS 1:16

Lem Kiteb Sucai tetulis, “Lokba udi sucai, sebab Uku sucai.”

WAHYU 11:15

Lajau malaikat ketujuak kembus trupetne, mako neak surgo teni'uk sa'ei-sa'ei kembiak lek de madeak, “Kuaso utuk meriteak dunio uyo ade neak tangen Tuhan ite ngen Rajo Penyelamat de jenanjai-Ne. Si bakea meriteak utuk selamo-lamone!”

WAHYU 14:7

Malaikat o menggang ngen sa'ei de lek, “Sabenba ngen Allah, ngen pujaiba kebesaran-Ne! Sebab bi waktaune Allah mukum manusio. Sembeakba Si de jemijai lenget, bumai, laut ngen kute matai bioa!”

WAHYU 16:5

Uku temi'uk malaikat de bekuaso das bioa madeak, “Hukuman de Ko melei adeba adea, Allah de sucai, Allah de ade, ngen de sudo ade!

WAHYU 16:7

Lajau uku temi'uk sa'ei kunei mezbah madeak, “Tuhan, Allah Mahakuaso, benea ngen adeaba ukuman-ukuman de Ko melei!”

WAHYU 19:2

Hukuman-Ne adea ngen bijaksana! Si bi melei ukuman ngen selawei nakea de lai, de musak dunio ngen perzinahanne. Allah sudo mukum selawei nakea o, sebab si munuak hamba-hamba Allah.”

WAHYU 19:8

Keracok linen de kilet sudo nelei ngen si utuk nakei.” (Keracok linen o adeba plep-plep baik de nea umat Allah.)

WAHYU 3:7

“Ngen malaikat jemaat neak Filadelfia, tulisba awei yo: Dioba pesen kunei Si de sucai ngen sejati. Siba de megong kucai Daud; amen Si mukok, coa suang kulo dapet kematupne, ngen amen Si kematupne, coa suang kulo dapet mukokne.

WAHYU 4:8

Kepat makhluk o, masing-masing temuan num sayep, sekelilingne ngen neak peak lemne penuak ngen matai. Lueng kelmen makhluk-makhluk o coa bedan-bedanne nyanyi, “Sucai, sucai, sucaiba Tuhan, Allah Mahakuaso; de ade, de sudo ade, ngen de ade seterusne.”

WAHYU 6:10

Tobo'o menggang ngen sa'ei de lek, “Ya Tuhan De Mahokuaso, de sucai ngen benea! Kedau an igai Ko mukum tun neak bumai ngen mukum tobo'o kerno bi munuak keme?”