WAHYU 15:2 - JANJAI BLAU Lem Bahaso Jang Bebilai

² Sesudo'o uku kemliak sesuaktau de ketenne awei lautan kaco becapua opoi. Uku kemliak kulo tun-tun de sudo menang das benatang ngen patungne, ngen menang das tun de genne nelei tando ngen ako. Tun-tun de menang o je neak biding laut kaco samo megong kecapi de nelei Allah ngen tobo'o.

WAHYU 15:2 ပူးပေါင်းရင်းမြစ်များ

MATIUS 3:11

Uku membaptis udi ngen bio'a betando udi bi tobat kunei duso-duso, tapi Si de bakea teko sesudo uku, bakea membaptis Udi ngen opoi ngen Roh Sucai kunei Allah. Si lebiak bekuaso kunei uku. Utuk mbin sepatu-Ne bae uku coa patas.

1 PETRUS 1:7

Tujuanne adeba utuk melei bukti jano udi sungguak-sungguak pecayo ngen Tuhan jano coa. Mas de dapet usak kulo, ntes ngen opoi. Nah, imen udi adeba lebiak bego kunei mas, jijai harus ntes kulo supayo jijai murni. Ngen awei o udi bakea nujai ngen hormat serto nelkat pado bilai Yesus Kristus teko igai.

1 PETRUS 4:12

Saudaro-saudaro de tecito! Udi uyo kembiak menderita kerno dong nujai. Tapi jibeakba meraso sele, seolah-olah ade sesuaktau de luea biaso tejijai ngenko.

WAHYU 12:11

Saudaro-saudaro ite sudo maleak si ngen daleak Anok Bebirai, ngen bito benea kunei Allah de tobo'o melei namen. Tobo'o rela melei nyabai tobo'o sapei matei.

WAHYU 13:1

Sesudo'o uku kemliak dikup benatang keluea kunei laut. Si temuan puluak tanduk ngen tujuak ulau. Neak das tanduk-tandukne ade puluak mahkota ngen neak tiep ulaune tetulis debueak gen penghinaan teadep Allah.

WAHYU 13:14

Ngen kute tun de idup neak bumai ngikene ngen keajaiban-keajaiban de buliak neane neak adep benatang de pertamo o. Ngen tobo'o kutene neluakne menea debuak patung kunei benatang de sudo sileak ngen pedang, tapi tep idup.

WAHYU 13:17

Coa su'ang tun kulo dapet mukua atau jemua sesuaktau, amen si coa temuan tando o, adeba gen benatang o su'ang, atau ako genne.

WAHYU 21:18

Tembok o nea kunei butau baiduri panden tapi kotane su'ang kunei mas murni, jeniak awei kaco.

WAHYU 4:6

Ade kulo neak adep takhta o sesuaktau de keten awei lautan kaco, bening awei kristal. Neak sekeliling takhta, tiep bidingne, ade pat makhluk, de rogok adep ngen rogok belakangne penuak ngen matai.

WAHYU 5:8

Sementaro Anok bebirai o menea awei o, tukupba kepat makhluk ngen keduai puluak pat pemipin o neak adep-Ne. Tobo'o masing-masing megong kecapi ngen makuk mas de isaine kemenyen, adeba du'o-du'o umat Allah.