WAHYU 14:6 - JANJAI BLAU Lem Bahaso Jang Bebilai

⁶ Lajau uku kemliak suang malaikat luyen de tebang lekat neak lenget. Malaikat o mbin bito tetang Bito Baik de abadi utuk senapei ngen manusio neak bumai adeba ngen kute bangsa, suku, bahaso ngen negara.

WAHYU 14:6 ပူးပေါင်းရင်းမြစ်များ

MATIUS 10:27

Jano de Uku madeak ngen ko lem kelem harusba udi mulang lem te'ang kebilai. Ngen jano de nisik neak ti'uk melei namenba moi ipe bae.

MARKUS 16:15

Lajau Si madeak ngen tobo'o, “Lalauba moi kute dunio melei namenba Bito Baik ngen kute makluk.

ROMA 16:25

Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

2 TESALONIKA 2:16

Semoga Tuhan ite Yesus Kristus suang, ngen Allah Bapa ite mibur ngen kemuet ateinu, supayo udi dapet menea ngen melei namen jano de baik. Sebab Allah mengasihi ite, ngen kerno atei-Ne baik Si menea ite tep tabah, serto ma'ep de baik.

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

1 PETRUS 1:25

tapi firman Tuhan tep utuk selamo-lamone.” Firman o Bito Baik de sudo nelei namen ngen udi.

WAHYU 10:11

Sesudo'o uku nelei periteak, “Melei namenba debat igai bito Allah tetang bangsa-bangsa, negara-negara, bahaso-bahaso, ngen rajo-rajo.”

WAHYU 10:7

Tapi amen malaikat ketujuak kembus trupetne, Allah bakea menea rencano resio-Ne, awei bi Si madeak ngen hamba-hamba-Ne, adeba paro nebai.”

WAHYU 13:7

Si neluak kulo melawen umat Allah serta maleak tobo'o. Ngen kuaso das kute suku, negara bahaso, ngen bangso nelei ngen si.

WAHYU 3:10

Kerno udi bi kemerjo periteak-Ku supayo tekun, Uku kulo bakea jemago udi kunei bilai pencobaan de bakea teko moi kute dunio. Hal o bakea tejijai utuk cemubo kute tun neak bumai.

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.

WAHYU 8:13

Lajau uku kemliak, mako uku temi'uk dikup burung rajowali de gidong tebang lekat neak udaro, menggang, “Celako! Celako! Celakoba kute tun neak bumai amen temi'uk ketelau malaikat luyenne kembus trupetne be!”