WAHYU 14:4 - JANJAI BLAU Lem Bahaso Jang Bebilai

⁴ Tobo'o tun-tun de tep sucai awei perawan, kerno coa menea hubungan ngen selawei. Tobo'o temotoa Anok Bebirai o moi ipe bae si lalau. Kunei antaro umat manusio, tobo'oba de sudo bebas sebagai persembahan de pertamo ngen Allah ngen Anok Bebirai.

WAHYU 14:4 ပူးပေါင်းရင်းမြစ်များ

MATIUS 19:12

Ade tun coa dapet nikeak sebab tobo'o memang laherne awei'o, ngen ade kulo de coa nam nikeak kerno si nea awei'o ngen tun luyen. Ade kulo de miliak dewek utuk coa nikeak, supayo dapet melayan Allah. Tun de sanggup temimo ajaran yo kunyau si temimone.”

MATIUS 25:1

“Amen Anok Manusio teko utuk meriteak, de umpamo awei yo: Ade puluak semulen pengapit pengaten masing-masing tobo'o mok lapu. Lajau lalau semsung pengaten semanei.

MATIUS 8:19

Lajau suang gu'au agamo teko ngen-Si nadeak ngen, “Pak gu'au, uku lok temotoa ko, moi ipe bae!”

YOHANES 10:27

Bebirai-Ku temi'uk sa'ei-Ku ngen Uku namen tobo'o ngen tobo'o temotoa Uku.

YOHANES 12:26

Api bae de mlayan Uku, si arus temotoa Uku, neak ipe Uku ade, neak di kulo pelayan-Ku ade. Api bae de mlayan Uku, si bakeane harmot Bak-Ku.

YOHANES 13:37

Nadeak Petrus ngen Si, “Tuhan, getai Uku coa dapet temotoa Ko uyo? Uku bakea melei nyabaiku utuk-Nu!”

YOHANES 8:12

Yesus madeak igai ngen tobo'o, “Uku ba te'ang dunio. Api bae de temotoa Uku, si coa bakea paneu lem kelem, tapi si bakea temuan te'ang dunio.”

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

1 KORINTUS 16:15

Saudaro pasetne kemnal Stefanas ngen keluargone; tobo'o de pertamo-tamo jijai Kristen neak Akhaya. Tobo'o ngen sepenuak atei kerjo kusus utuk melayan umat Allah.

1 KORINTUS 6:20

Allah bi temukua udi ngen bi masen udi lunas. Sebab'o, muliakanba Allah ngen awoknu.

1 KORINTUS 7:28

Tapi amen Saudaro nikeak, do'o iso duso. Awei'o kulo suang semulen nikeak, coa be, artai si beduso. Cuma, tobo'o de nikeak'o bakea meding kesaro. Ngen uku lok Saudaro uak kunei kesaro'o.

2 KORINTUS 11:2

Uku indau ngen udi, awei Allah suang kulo indau ngen udi. Udi adeba awei suang semulen de masiak sucai de sudo uku jenanjai utuk nikeak ngen suang semanei, adeba Kristus.

EFESUS 1:14

Roh Sucai o ba jaminan bahwo ite bakea temimo jano de sudo jenanjai Allah ngen umat-Ne. Dio melei keyakinan ngen ite bahwo Allah bakea mbebas umat-Ne. Tepujaiba Allah kerno keagungan-Ne.

EFESUS 5:27

Ngen awei o Kristus mpek jemaat neak adep dirai-Ne ngen cemerlang, coa cacet atau cela, tapi supayo jemaat sucai ngen coa cacet.

1 TIMOTIUS 4:3

Tobo'o majea tun utuk coa nikeak ngen coa mbuk kembuk kunei Allah. Padahal kembuk o nea Allah utuk nembuk ngen mucep mokasiak ngen tun-tun de sudo pecayo ngen Kristus ngen bi kemnal ajaran de benea kunei Allah.

IBRANI 12:23

Udi temotoa sesuaktau pertemuan de meriah – pertemuan anok-anok tuai Allah, de genne ade neak lem surgo. Udi teko madep Allah, Hakim kute umat manusio. Udi madep roh-roh tun-tun baik, de sudo jijai sempurno.

YAKOBUS 1:18

Das kelok-Ne su'ang Si jemijai ite anok-anok-Ne liwet Firman-Ne de benea. Si menea o supayo ite dapet penan de utamo neak antaro kute makhluk ciptaan-Ne.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

WAHYU 21:22

Uku coa kemliak Bait Sucai neak lem kota o, sebab Bait Sucaine adeba Tuhan su'ang, Allah De Mahakuaso, ngen Anok Bebirai o.

WAHYU 21:23

Kota o coa perlu cahayo matai bilai atau bulen, sebab kemulioan Allah tem'angne, ngen Anok Bebirai o adeba lapune.

WAHYU 3:4

Tapi neak tengeak-tengeak udi neak Sardis masiak ade tun de jemago supayo keracokne tep bersih. Tobo'o bakea paneu besamo-samo Uku ngen makei keracok putiak, sebab tobo'o patas utuk do'o.

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.