WAHYU 14:2 - JANJAI BLAU Lem Bahaso Jang Bebilai

² Lajau uku temi'uk sa'ei kunei lenget aw'ei sa'ei bioa tejun delai ngen awei gutua de lai. Sa'ei o teni'uk awei sa'ei musik kunei pemain-pemain kecapi de gidong main kecapine.

WAHYU 14:2 ပူးပေါင်းရင်းမြစ်များ

1 KORINTUS 13:1

Kunyau uku dapet miling ngen bebagoi bahaso manusio, bahkan ngen bahaso malaikat, tapi uku coa kemasiak tun luyen, mako kecek-kecekku o cuma sa'ei bae coa ade taine.

WAHYU 1:10

Pado bilai Tuhan, uku kenuaso Roh Allah, lajau uku temi'uk sa'ei de lek – awei sa'ei trupet – sa'ei neak belakangku.

WAHYU 1:15

kekea-Ne mengkilet awei temagai nembem. Sa'ei-Ne awei sa'ei bioa tejun de lai.

WAHYU 11:12

Sesudo'o keduai nebai o temi'uk sa'ei lek de menok tobo'o kunei surgo, “Maroba kenek mio!” Lajau neak adep musuak-musuak tobo'o, tobo'o kenek moi surgo, tenutup ngen embun.

WAHYU 11:15

Lajau malaikat ketujuak kembus trupetne, mako neak surgo teni'uk sa'ei-sa'ei kembiak lek de madeak, “Kuaso utuk meriteak dunio uyo ade neak tangen Tuhan ite ngen Rajo Penyelamat de jenanjai-Ne. Si bakea meriteak utuk selamo-lamone!”

WAHYU 15:2

Sesudo'o uku kemliak sesuaktau de ketenne awei lautan kaco becapua opoi. Uku kemliak kulo tun-tun de sudo menang das benatang ngen patungne, ngen menang das tun de genne nelei tando ngen ako. Tun-tun de menang o je neak biding laut kaco samo megong kecapi de nelei Allah ngen tobo'o.

WAHYU 18:22

Sa'ei musik kunei pemain kecapi, kunei paro biduan, kunei pemain suling ngen kunei peniup trupet, coa bakea teni'uk igai neak lem udi! Coa bakea temau kulo su'ang pekerjo ahli kulo neak di, ngen sa'ei butau gilingan kulo coa bakea teni'uk igai.

WAHYU 5:8

Sementaro Anok bebirai o menea awei o, tukupba kepat makhluk ngen keduai puluak pat pemipin o neak adep-Ne. Tobo'o masing-masing megong kecapi ngen makuk mas de isaine kemenyen, adeba du'o-du'o umat Allah.

WAHYU 6:1

Sesudo'o uku kemliak Anok Bebirai o mukok segel pertamoneak antaro ketujuak segel o. Lajau uku temi'uk do kunei ke pat makhluk o madeak, “Maro!” Sa'ei o awei gutua.

WAHYU 8:7

Lajau malaikat de pertamo kembus trupetne ngen tejijaiba ujen es, ngen opoi capua daleak tu'un ngen de'esne moi bumai. Sepertelau bumai habis tekemben; awei'o kulo sepertelau kunei pun-pun ngen tiep dukut de ijo.