WAHYU 14:15 - JANJAI BLAU Lem Bahaso Jang Bebilai

¹⁵ Sesudo'o su'ang malaikat luyen keluea kunei Bait Sucai Allah. Ngen sa'ei de lek, si menggang ngen Si de temot neak das mbun o, “Nanyunba sabit-Nu o ngen panenba uyo, sebab bi waktaune utuk panen; panen neak bumai bi mesok!”

WAHYU 14:15 ပူးပေါင်းရင်းမြစ်များ

MATIUS 13:30

Kunyauba lalang'o temuak besamo-samo sapei waktau panen. Be uku bakea madeak ngen tun-tun de menea: Melungguk kileak lalangne neket, lajau nemben. Sesudo'o kenopoa gendumne, lajau naik neak lem tuoa?’ ”

MATIUS 13:39

Musuak de temanem lalang'o adeba Iblis. Maso panen adeba Bilai Kiamat, ngen tun-tun de manen'o adeba malaikat-malaikat.

MATIUS 23:32

Amen awei'o tenrusba ngen senudoba duso-duso de bi muloi ngen puyangnu'o!

MARKUS 4:29

Amen Buak'o de sudo mesok, tun'o segro mopoa, kerno musim mopoa bi teko.”

1 TESALONIKA 2:16

Bahkan tobo'o temutup dalen keme utuk melei namen ngen bangso-bangso iso Yahudi bito de dapet semlamat bangso-bangso o. Ngen awei o tun-tun Yahudi o temambeak trus duso-duso tobo'o sapei jumlahne genep. Ngen uyo tobo'o temimo hukuman Allah.

WAHYU 11:19

Mako tukokba Bait Sucai Allah neak surgo, ngen ketenba Petai Perjanjian neak lemne. Lajau tejijaiba kilat, gutua gemruduk, gepo ngen ujen es de lai.

WAHYU 13:12

Neak adep benatang de pertamo o si makei kuaso de lai de dapetne kunei benatang o kulo. Kute bumai ngen kute isaine, maksone nyembeak benatang de pertamo o, de sileak bi kaen.

WAHYU 14:14

Sesudo'o uku kemliak, mako keten mbun de putiak. Neak das mbun o temot su'ang de ketenne awei manusio. Neak ulau-Ne ade debuak mahkota mas, ngen neak tangen-Ne ade debuak sabit de tajem.

WAHYU 14:16

Lajau Si de temot neak das awan o nanyun sabit-Ne moi bumai, mako bumai bi panen.

WAHYU 14:17

Sesudo'o uku kemliak su'ang malaikat luyen igai keluea kunei Bait Sucai neak surgo. Si kulo megong de bueak sabit de tajem.

WAHYU 14:18

Sesudo'o, su'ang malaikat luyen, de bekuaso das opoi, teko kunei mezbah. Ngen sa'ei de lek si menggang ngen malaikat de megong sabit de tajem o, “Nanyunba sabit nu o ngen temuun buak-buak pun anggur neak bumai, kerno buak-buakne bi mesok!”

WAHYU 15:6

Lajau ketujuak malaikat ngen ketujuak bencano o kelua kunei Bait Sucai. Keracok tobo'o kunei kain linen de bersi ngen gemilep. Ngen tobo'o makei tutup dado de nea kunei mas.

WAHYU 16:17

Sesudo'o malaikat ke tujuak temupeak si'ing penanne moi udara. Mako teni'ukba sa'ei de lek kunei takhta neak Bait Sucai, de madeak, “Sudo selsei!”

WAHYU 6:10

Tobo'o menggang ngen sa'ei de lek, “Ya Tuhan De Mahokuaso, de sucai ngen benea! Kedau an igai Ko mukum tun neak bumai ngen mukum tobo'o kerno bi munuak keme?”