WAHYU 14:10 - JANJAI BLAU Lem Bahaso Jang Bebilai

¹⁰ tun o bakea menem anggur Allah, adeba anggur murka Allah de sudo mpek lem penanne, coa ade ku'ang didik kulo! Kute tun o bakea senikso neak lem opoi ngen bli'ang neak adep malaikat-malaikat sucai ngen neak adep Anok Bebirai o.

WAHYU 14:10 ပူးပေါင်းရင်းမြစ်များ

MATIUS 20:22

“Udi coa namen jano de udi minoi,” nadeak Yesus ngen tobo'o. “Jano udi sanggup menem kunei caker derito de mestai Uku menem yo?” “Sanggup,” tobo'o jemawab.

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 26:39

Mako Yesus lalau lebiak uak didik, lajau sujud ngen bedu'o, nadeak-Ne, “Au Bak-Ku, amen buliak ne'uakba kunei-Ku derita de mestai Uku temanggung. Jibeakba awei de Ku kemlok, tapi awei de Bak kemlok.”

MARKUS 8:38

Kerno api bae selek kerno Uku ngen kerno kecek-Ku neak tengeak-tengeak jaman tun-tun uyo de coa setia ngen beduso yo, Anok Manusio kulo bakea selek kerno tun'o amen Si teko be lem kemulioan Bapa-Ne besamo malaikat-malaikat sucai.”

MARKUS 9:44

Neak penan'o olokne coa matei, ngen opoine coa bakea padem.]

KISAH RASUL-RASUL 10:22

Jawab tobo'o, “Kornelius, Si tun de baik, Si saben ngen Allah, de paling baik neak antaro kute bangso Yahudi, bi nelei petunjuk ngen suang malaikat sucai, kunyau si mundang ko moi umeakne ngen temi'uk jano de bakea ko madeak.”

2 TESALONIKA 1:7

Ngen udi de uyo yo saro – aweai o kulo ngen keme – Allah bakea melei kelegaan pado bilai Tuhan Yesus tu'un kunei surgo ngen kemten dirai-Ne ngen malaikat-malaikat-Ne de penuak kuaso

YUDAS 1:7

Tingetba kulo kota Sodom ngen Gomora serto kota-kota neak sekitarne, de pendudukne menea hal-hal awei de nea malaikat-malaikat o. Tobo'o menea hal-hal de cabul ngen bejat, sehinggo tobo'o senikso ngen ukuman opoi de kekal, utuk jijai peringatan utuk kute tun

WAHYU 15:7

Sesudo'o saleak do kunei pat makhluk o melei ngen ketujuak malaikat o tujuak bueak penan mas de penuak ngen murka Allah, – Allah de idup selamo-lamone.

WAHYU 16:19

Kota de lai o pecuak jijai telau bagian, ngen ajuaba kulo kota-kota kute negara neak dunio. Lajau Allah tinget ngen Babel de lai o. Mako Allah menea si mbuk anggur kunei penan anggur Allah – adeba anggur murka Allah de lai.

WAHYU 18:3

Sebab kute bangsa bi mbuk anggur nafsu perzinahanne. Rajo-rajo dunio menea zinah ngen si, ngen pedagang-pedagang neak bumai jijai kayo kerno coa taen ngen nafsune.”

WAHYU 18:6

Neaba si awei ipe si bi menea udi; malesba si duai kilai lipet utuk kute de sudo neanne. Mpekba makukne ngen minuman de duai kilai lebiak keras kunei minuman de seniapne utuk udi.

WAHYU 19:15

Kunei bibia-Ne keluea debuak pedang de tajem ngen pedang o Si bakea maleak bangsa-bangsa, ngen Si bakea meriteak tobo'o ngen tokot besai. Si bakea miyuak anggur neak lem alat utuk miyuak anggur murka Allah De Mahakuaso.

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

WAHYU 20:14

Sesudo'o Maut ngen Alam Maut nuang moi lem lautan opoi. (Lautan opoi yo adeba kematian tahap keduai.)

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”