WAHYU 13:8 - JANJAI BLAU Lem Bahaso Jang Bebilai

⁸ Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 13:8 ပူးပေါင်းရင်းမြစ်များ

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

LUKAS 10:20

Sekilai kulo awei o jibeakba beriang kerno roh-roh kejahatan taat ngen udi. Lebiak baik udi beriang kerno gennu ade neak lem surgo.”

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

EFESUS 1:4

Ayok dunio yo jenijai, Allah bi miliak ite liwet Kristus ngen maksud supayo ite sucai ngen coa cacet neak adep-Ne.

FILIFI 4:3

Ngen kuatku de setia, uku minoi kulo supayo Saudaro temulung keduai selawei o. Tobo'o bi kerjo sungguak-sungguak besamo uku utuk melei namen Bito Baik kunei Allah; serai awei Klemen ngen kute tun luyenne de kerjo besamo-samo uku. Gen-gen tobo'o ade lem Bukau Tun Idup.

TITUS 1:2

Ajaran o das dasar harapan bahwo ite bakea temimo idup sejati ngen kekal. Allah bi melei janjai idup o ayok mulone zaman – ngen Allah coa mukin ngike.

WAHYU 12:15

Mako nagai o kemluea kunei bibiane dau nien bioa moi selawei o, kunyau si monot.

WAHYU 13:12

Neak adep benatang de pertamo o si makei kuaso de lai de dapetne kunei benatang o kulo. Kute bumai ngen kute isaine, maksone nyembeak benatang de pertamo o, de sileak bi kaen.

WAHYU 17:8

Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.

WAHYU 21:27

Tapi tun de menea hal-hal de najis, atau tun de ngike – pokokne jano de najis, coa bakea masuk moi lemne. De bakea masuk cuma tun de genne tetulis lem Bukau Tun Idup, bukau Anok Bebirai o.

WAHYU 3:10

Kerno udi bi kemerjo periteak-Ku supayo tekun, Uku kulo bakea jemago udi kunei bilai pencobaan de bakea teko moi kute dunio. Hal o bakea tejijai utuk cemubo kute tun neak bumai.

WAHYU 3:20

Keliak! Uku je neak adep bang ngen kemtuk bang. Amen ade tun de temi'uk suaro-Ku, ngen mukok bang, Uku bakea masuk magea si; Uku bakea mukmei besamo-samo si ngen si mukmei besamo-samo Uku.

WAHYU 3:5

Api de menang bakea nakei jubah putiak. Uku coa bakea mapus genne kunei Bukau Tun Idup. Ngen neak adep Bapa-Ku ngen malaikat-malaikat-Ne Uku bakea makau bahwo tobo'o adeba de Uku temuan.

WAHYU 5:12

Ngen tobo'o nyanyi ngen sa'ei de lek, “Anok Bebirai de sudo sembeliak o, layak utuk temimo kuaso, kekayaan, kebijaksanaan ngen kekuatan; Si layak nelei hormat, diagungkan ngen nujai!”

WAHYU 5:13

Lajau uku temi'uk kute makhluk neak lenget, neak bumai, neak beak bumai ngen neak lem laut – siketne kute makhluk neak semesta alam yo – nyanyi, “Si de temot neak das takhta, ngen Sang Anok Bebirai o, adeba tepujai ngen terhormat serto agung ngen bekuaso utuk selamo-lamone!”

WAHYU 6:1

Sesudo'o uku kemliak Anok Bebirai o mukok segel pertamoneak antaro ketujuak segel o. Lajau uku temi'uk do kunei ke pat makhluk o madeak, “Maro!” Sa'ei o awei gutua.