WAHYU 13:7 - JANJAI BLAU Lem Bahaso Jang Bebilai

⁷ Si neluak kulo melawen umat Allah serta maleak tobo'o. Ngen kuaso das kute suku, negara bahaso, ngen bangso nelei ngen si.

WAHYU 13:7 ပူးပေါင်းရင်းမြစ်များ

LUKAS 4:6

Nadeak Iblis ngen Yesus, “Kute kekuasaan serto kemuliaan bakea nelei ngen-Ko, sebab kutene o bi senreak ngenku ngen uku meleine ngen api bae de kelokku.

YOHANES 19:11

Yesus jemawab, “Ko coa temuan kuaso jano bae te'adep Uku, amen kuaso o coa nelei ngen ko kunei das. Sebab'o Si de semreak Uku ngen-Ko lebiak lai dusone.”

WAHYU 10:11

Sesudo'o uku nelei periteak, “Melei namenba debat igai bito Allah tetang bangsa-bangsa, negara-negara, bahaso-bahaso, ngen rajo-rajo.”

WAHYU 11:18

Tun-tun de coa kemnal Tuhan, ngamuk sebab bi waktaune Ko mengiak, ngen bi waktaune Ko mukum tun-tun matei. Dioba waktaune utuk melei upeak ngen hamba-hamba-Nu, tobo nebai, ngen kute umat-Nu, adeba kute tun de semyang ngen Ko, lai atau titik. Dioba waktaune utuk majua tun-tun de majua bumai!”

WAHYU 11:7

Sesudo tobo'o selsei melei bito tobo'o, benatang de keluea kunei jurang maut bakea melawen tobo'o. Si bakea maleak ngen munuak tobo'o.

WAHYU 12:17

Nagai o jijai kembiak mengiak ngen selawei o, sehinggo si lalau semrang turunan de luyen kunei selawei o, adeba kute tun de taat ngen periteak-periteak Allah, ngen de melei saksai tetang Yesus ngen kuaso-Ne.

WAHYU 17:15

Malaikat o madeak kulo, “Bioa de ko kemliak o, penan selawei nakea o temot, adeba bangsa-bangsa, rakyat-rakyat, negara-negara ngen bahaso-bahaso.

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.