WAHYU 13:4 - JANJAI BLAU Lem Bahaso Jang Bebilai

⁴ Ngen tobo'o nyembeak nagai o sebab si bi melei kuasone ngen benatang o. Ngen tobo'o nyembeak benatang o, samo madeak, “Coa ade de serai ngen benatang yo! Coa ade de dapet perang melawen si!”

WAHYU 13:4 ပူးပေါင်းရင်းမြစ်များ

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

2 TESALONIKA 2:4

Ngen ombong si bakea melawen ngen melekat dirai neak das kute de senbeak manusio, atau kute ilah de nanggap Allah ngen manusio. Bahkan si bakea temot neak lem Bait Allah ngen melei namen bahwo si adeba Allah.

WAHYU 12:3

Lajau keten kulo neak lenget suaktau de ajaib. Ade dikup nagai mileak de kembiak lai de temuan tujuak ulau ngen puluak tanduk. Tiep ulaune makei debueak mahkota.

WAHYU 12:4

Ngen ikoane si seme'et sepertelau kunei bitang-bitang neak lenget ngen nuangne moi bumai. Nagai o je neak adep selawei de lok melaher o ngen maksud temlen anokne, sesudo anokne laher.

WAHYU 13:11

Lajau uku kemliak dikup benatang luyen keluea kunei lem bumai. Si temuan duai tanduk awei tanduk anok bebirai. Sa'eine awei sa'ei nagai.

WAHYU 13:15

Benatang de keduai o neluak melei nyabai ngen patung o, sehinggo patung o dapet miling ngen munuak kute tun de coalok nyembeak ne.

WAHYU 13:2

Benatang de uku kemliak o awei macan tutul, kekeane awei kekea beruang, muncungne awei muncung singo. Lajau benatang o nelei nagai o kekuatanne su'ang, ngen takhtane, ngen kuasene de lai.

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

WAHYU 18:18

Ngen menggang waktau tobo'o kemliak asep kebuk kunei opoi de mbem kota o. Tobo'o menggang, “Coa perneak ade kota luyen awei kota de lai yo!”

WAHYU 9:20

Tapi ti'eak kunei umat manusio de coa matei kerno bencano-bencano o, coa tobat kunei uleak tangen tobo'o suang. Tobo'o coa bedan nyembeak roh-roh jahat ngen patung-patung mas, pirok, temagai, butau ngen kieu de coa dapet ngeliak, temi'uk, atau paneu.