WAHYU 13:17 - JANJAI BLAU Lem Bahaso Jang Bebilai

¹⁷ Coa su'ang tun kulo dapet mukua atau jemua sesuaktau, amen si coa temuan tando o, adeba gen benatang o su'ang, atau ako genne.

WAHYU 13:17 ပူးပေါင်းရင်းမြစ်များ

GALATIA 6:17

Selanjutne jibeakba ade tun de menea uku saro, sebab neak awokku ade tando-tando bahwo uku penotoa Yesus.

WAHYU 13:16

Kute tun, lai ngen titik, kayo ngen peset, hamba ngen tun bebas, makso benatang o utuk temimo tando neak tangen kanen tobo'o atau moi ning tobo'o.

WAHYU 13:18

Neak yo perlu ade hikmat. Tun de bijaksana amen dapet mitung tai kunei ako benatang o, sebab ako o adeba gen su'ang manusio. Akone adeba 666.

WAHYU 14:11

Asep ngen opoi de semikso tun o bakea kasep terus utuk selamo-lamone. Lueng kelmen coa ade bedan-bedanne tobo'o tesikso, adeba tobo'o de nyembeak benatang o ngen patungne, kute tun de temuan tando gen benatang o.”

WAHYU 14:9

Su'ang malaikat ketelau motoa duai malaikat o, samo menggang ngen sa'ei de lek, “Tun de nyembeak benatang o ngen patungne, ngen temimo tando neak ningne atau tangenne,

WAHYU 15:2

Sesudo'o uku kemliak sesuaktau de ketenne awei lautan kaco becapua opoi. Uku kemliak kulo tun-tun de sudo menang das benatang ngen patungne, ngen menang das tun de genne nelei tando ngen ako. Tun-tun de menang o je neak biding laut kaco samo megong kecapi de nelei Allah ngen tobo'o.

WAHYU 17:5

Neak ningne ade tulisan gen de temuan tai resio. Gen o adeba “Babel De Lai, indok kunei kute selawei nakea ngen kunei tun jahat neak dunio.”

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 22:4

ngen kemliak papea-Ne. Gen-Ne bakea tenulis neak ning tobo'o.

WAHYU 3:12

Tun de menang, Uku jemijai sebagai tiang lem Umeak Sucai Allah-Ku, ngen si bakea tinggea neak penan o selamo-lamone. Gen Allah-Ku, gen kota Allah-Ku – adeba Yerusalem blau de bakea tu'un kunei surgo, kunei Allah-Ku – bakea Uku temulis neak dirai tun o. Kulo gen-Ku de blau bakea Uku temulis neak diraine.

WAHYU 7:3

Malaikat o madeak, “Jibeak kileak musak bumai ngen laut, atau pun-pun amen keme ati melei tando segel neak ning hamba-hamba Allah ite.”