WAHYU 13:16 - JANJAI BLAU Lem Bahaso Jang Bebilai

¹⁶ Kute tun, lai ngen titik, kayo ngen peset, hamba ngen tun bebas, makso benatang o utuk temimo tando neak tangen kanen tobo'o atau moi ning tobo'o.

WAHYU 13:16 ပူးပေါင်းရင်းမြစ်များ

KISAH RASUL-RASUL 26:22

Tapi berkat tulung Allah uku dapet idup sapei uyo, jijai saksai bagiak tun-tun titik ngen tun-tun lai. Jano de uku melei namen o coa luyen kunei de ayokne sudo nelei namen nebai-nebai ngen Musa,

1 KORINTUS 12:13

Awei'o kulo ite kute, baik tun Yahudi atau iso tun Yahudi, hamba-hamba atau tun-tun bebas; ite kute bi baptis ngen Roh de serai, supayo ite jenijai do ngen awok Kristus. Ite kute kulo meding Roh de do o sepenuakne.

GALATIA 3:28

Lem hal yo coa ade tun Yahudi atau tun iso Yahudi, coa ade hamba atau tun merdeka, coa ade semanei atau selawei, kerno udi kute adeba do neak lem Kristus Yesus.

GALATIA 6:17

Selanjutne jibeakba ade tun de menea uku saro, sebab neak awokku ade tando-tando bahwo uku penotoa Yesus.

EFESUS 6:8

Udi namen bahwo tiep tun, baik hamba atau tun bebas, amen si bi menea baik, si bakea temimo balasanne kunei Tuhan.

KOLOSE 3:11

Lem hal yo coa ade igai tun Yunani atau tun Yahudi, tun besunat atau tun coa besunat, orang Barbar atau Skit, budok atau tun bebas, tapi Kristus adeba kutene ngen Si jijai do ngen tobo'o kutene.

2 TIMOTIUS 3:8

Serai awei Yanes ngen Yambres melawen Musa, awei o kulo tun-tun o melawen ajaran kunei Allah. Pekeran tobo'o bi usak, ngen imen tobo'o bi coa kuet.

WAHYU 11:18

Tun-tun de coa kemnal Tuhan, ngamuk sebab bi waktaune Ko mengiak, ngen bi waktaune Ko mukum tun-tun matei. Dioba waktaune utuk melei upeak ngen hamba-hamba-Nu, tobo nebai, ngen kute umat-Nu, adeba kute tun de semyang ngen Ko, lai atau titik. Dioba waktaune utuk majua tun-tun de majua bumai!”

WAHYU 15:2

Sesudo'o uku kemliak sesuaktau de ketenne awei lautan kaco becapua opoi. Uku kemliak kulo tun-tun de sudo menang das benatang ngen patungne, ngen menang das tun de genne nelei tando ngen ako. Tun-tun de menang o je neak biding laut kaco samo megong kecapi de nelei Allah ngen tobo'o.

WAHYU 19:18

Maroba mbuk daging rajo-rajo, daging panglima-panglima ngen daging pahlawan-pahlawan; maroba mbuk daging tun-tun de mbin kudo ngen daging kudo-kudone ngen daging kute umat manusio, lai ngen titik, hamba ngen tun bebas!”

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 19:5

Lajau teni'uk kunei takhta o sa'ei de madeak, “Pujaiba Allah, hai kute hamba Allah, ngen kute tun – lai titik – de nyembeak Allah!”

WAHYU 20:12

Ngen uku kemliak tun-tun matei, lai titik, je neak adep takhta o. Mako kiteb-kiteb kulo nukok. Lajau debueak kiteb de luyen nukok, adeba Kiteb Tun Idup. Sesudo'o ukuman nelei ngen tun matei, setipal ngen plep tobo'o temurut de ade neak lem bukau-bukau o.

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 6:15

Lajau rajo-rajo dunio, tobo pembesar, panglima-panglima, tun-tun kayo, penguaso, ngen tun-tun luyenne, baik hamba atau tun bebas, kutene sebunyin neak lem gua-gua ngen neak celah-celah butau tebo.

WAHYU 7:3

Malaikat o madeak, “Jibeak kileak musak bumai ngen laut, atau pun-pun amen keme ati melei tando segel neak ning hamba-hamba Allah ite.”