WAHYU 13:15 - JANJAI BLAU Lem Bahaso Jang Bebilai

¹⁵ Benatang de keduai o neluak melei nyabai ngen patung o, sehinggo patung o dapet miling ngen munuak kute tun de coalok nyembeak ne.

WAHYU 13:15 ပူးပေါင်းရင်းမြစ်များ

YAKOBUS 2:26

Nah, awei awok tanpa roh adeba awok de matei, awei o kulo imen tapi coa kenerjone adeba imen de matei.

WAHYU 13:1

Sesudo'o uku kemliak dikup benatang keluea kunei laut. Si temuan puluak tanduk ngen tujuak ulau. Neak das tanduk-tandukne ade puluak mahkota ngen neak tiep ulaune tetulis debueak gen penghinaan teadep Allah.

WAHYU 13:12

Neak adep benatang de pertamo o si makei kuaso de lai de dapetne kunei benatang o kulo. Kute bumai ngen kute isaine, maksone nyembeak benatang de pertamo o, de sileak bi kaen.

WAHYU 13:14

Ngen kute tun de idup neak bumai ngikene ngen keajaiban-keajaiban de buliak neane neak adep benatang de pertamo o. Ngen tobo'o kutene neluakne menea debuak patung kunei benatang de sudo sileak ngen pedang, tapi tep idup.

WAHYU 14:11

Asep ngen opoi de semikso tun o bakea kasep terus utuk selamo-lamone. Lueng kelmen coa ade bedan-bedanne tobo'o tesikso, adeba tobo'o de nyembeak benatang o ngen patungne, kute tun de temuan tando gen benatang o.”

WAHYU 14:9

Su'ang malaikat ketelau motoa duai malaikat o, samo menggang ngen sa'ei de lek, “Tun de nyembeak benatang o ngen patungne, ngen temimo tando neak ningne atau tangenne,

WAHYU 16:2

Malaikat pertamo lalau ngen temupeak si'ing penanne moi das bumai. Mako timboaba bisoa-bisoa de kidek ngen bahayo utuk kute tun de makei tando kunei benatang o, ngen tun-tun de nyembeak patungne.

WAHYU 16:5

Uku temi'uk malaikat de bekuaso das bioa madeak, “Hukuman de Ko melei adeba adea, Allah de sucai, Allah de ade, ngen de sudo ade!

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

WAHYU 17:17

Sebab Allah sudo mukok atei tobo'o utuk kemerjo rencano Allah. Allah menea tobo'o sepakat utuk semreak kuaso tobo'o ngen benatang o, supayo benatang o meriteak sapei tejijai jano de nadeak Allah.

WAHYU 17:6

Lajau uku kemliak bahwo selawei o mabuk ngen daleak umat Allah ngen daleak tun-tun de nunuak kerno setia ngen Yesus. Ketiko uku kemliak selawei o, uku jijai sele.

WAHYU 18:20

Hai surgo, riangba das ajuane kota o! Hai umat Allah, rasul-rasul, ngen nebai-nebai, riang ba! Sebab Allah sudo mukum si sebagai pembalasan das jano de neane teadep udi!

WAHYU 18:24

Babel nukum sebab neak lem kota o bi ade daleak nebai-nebai, daleak umat Allah – siketne daleak kute tun de sudo nunuak neak das bumai.

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.