WAHYU 13:14 - JANJAI BLAU Lem Bahaso Jang Bebilai

¹⁴ Ngen kute tun de idup neak bumai ngikene ngen keajaiban-keajaiban de buliak neane neak adep benatang de pertamo o. Ngen tobo'o kutene neluakne menea debuak patung kunei benatang de sudo sileak ngen pedang, tapi tep idup.

WAHYU 13:14 ပူးပေါင်းရင်းမြစ်များ

2 TESALONIKA 2:4

Ngen ombong si bakea melawen ngen melekat dirai neak das kute de senbeak manusio, atau kute ilah de nanggap Allah ngen manusio. Bahkan si bakea temot neak lem Bait Allah ngen melei namen bahwo si adeba Allah.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 13:1

Sesudo'o uku kemliak dikup benatang keluea kunei laut. Si temuan puluak tanduk ngen tujuak ulau. Neak das tanduk-tandukne ade puluak mahkota ngen neak tiep ulaune tetulis debueak gen penghinaan teadep Allah.

WAHYU 13:15

Benatang de keduai o neluak melei nyabai ngen patung o, sehinggo patung o dapet miling ngen munuak kute tun de coalok nyembeak ne.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 14:11

Asep ngen opoi de semikso tun o bakea kasep terus utuk selamo-lamone. Lueng kelmen coa ade bedan-bedanne tobo'o tesikso, adeba tobo'o de nyembeak benatang o ngen patungne, kute tun de temuan tando gen benatang o.”

WAHYU 14:9

Su'ang malaikat ketelau motoa duai malaikat o, samo menggang ngen sa'ei de lek, “Tun de nyembeak benatang o ngen patungne, ngen temimo tando neak ningne atau tangenne,

WAHYU 15:2

Sesudo'o uku kemliak sesuaktau de ketenne awei lautan kaco becapua opoi. Uku kemliak kulo tun-tun de sudo menang das benatang ngen patungne, ngen menang das tun de genne nelei tando ngen ako. Tun-tun de menang o je neak biding laut kaco samo megong kecapi de nelei Allah ngen tobo'o.

WAHYU 16:13

Lajau uku kemliak telau roh jahat de awei kekek. Masing-masing kekek o keluea kunei bibia nagai, kunei bibia benatang, ngen kunei bibia nebai palsu.

WAHYU 16:2

Malaikat pertamo lalau ngen temupeak si'ing penanne moi das bumai. Mako timboaba bisoa-bisoa de kidek ngen bahayo utuk kute tun de makei tando kunei benatang o, ngen tun-tun de nyembeak patungne.

WAHYU 18:23

Tun coa bakea kemliak igai cahayo lapu neak lem udi; ngen coa bakea kulo teni'uk keramaian pesta nikeak neak di. Pedagang-pedagangnu adeba tun-tun de paling terkemuko neak bumai, ngen lemau-lemau gaibnu ko mike kute bangso neak dunio!”

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

WAHYU 3:10

Kerno udi bi kemerjo periteak-Ku supayo tekun, Uku kulo bakea jemago udi kunei bilai pencobaan de bakea teko moi kute dunio. Hal o bakea tejijai utuk cemubo kute tun neak bumai.