WAHYU 12:9 - JANJAI BLAU Lem Bahaso Jang Bebilai

⁹ Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 12:9 ပူးပေါင်းရင်းမြစ်များ

MATIUS 13:39

Musuak de temanem lalang'o adeba Iblis. Maso panen adeba Bilai Kiamat, ngen tun-tun de manen'o adeba malaikat-malaikat.

MATIUS 24:24

Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 4:1

Roh sucai kunei Allah mbin Yesus moi padang pasir utuk cenubo Iblis.

MATIUS 4:10

Lajau Yesus jemawab, “Lalauba ko, Iblis! Kerno neak lem Kiteb Ade tetulis awei yo: Sembeakba Tuhan Allah ngen layanba Si bae!”

MATIUS 4:5

Sesudo'o Iblis mbin Yesus moi kota Yerusalem, Kota Sucai. Iblis mbin Yesus neak bubung umeak Bait Allah.

MATIUS 4:8

Sesudo'o Iblis mbin Yesus moi das tebo de lekat sekilai, Iblis kemten ngen Yesus kute negrai neak dunio serto kekayaanne.

LUKAS 10:18

Yesus jemawab, “Uku kemliak Iblis us kunei lenget awei gelep.

LUKAS 13:16

Iso selawei yo, de sudo lapen belas taun neket Iblis, harus nelpas kunei peketne o, kerno si adeba royot Abraham?”

LUKAS 22:3

Mako masukba Iblis moi lem Yudas, de genne Iskariot, suang kunei keduai belas penotoa Yesus.

LUKAS 22:31

“Simon, Simon, ti'uk! Iblis bi nelei izin utuk ngujai udi, awei gelpung cen'ei kunei kaleakne.

LUKAS 8:12

De us neak biding dalen o siba tun-tun de bi temi'ukne; sesudo'o Iblis teko lajau mok firman o kunei lem atei tobo'o, supayo tobo'o jibeak masai ngen senlamat.

YOHANES 12:31

Uyo bi sapei waktaune dunio yo nakim, uyo kulo penguaso dunio yo bakea neluk moi luea.

YOHANES 14:30

Coa dau igai Uku madeak ngen udi, sebab penguaso dunio yo teko, si coa kuaso didik kulo das dirai-Ku.

YOHANES 16:11

bahwo Allah sudo muloi mukum, sebab penguaso dunio yo bi nukum.

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

KISAH RASUL-RASUL 5:3

Mako Petrus madeak ngen si, “Ananias, getai ko munyau Iblis kemuaso atei nu, sapei ko mike ngen Roh Sucai, seca'o dediem tema'en utuk dirainu suang tengeak kunei caci jemuoa taneak o?

ROMA 16:18

Sebab tun-tun de menea awei o iso bekerjo utuk Kristus Tuhan ite, tapi utuk menea kelok atei tobo'o su'ang jijai puas. Ngen bujukan, kecek-kecek de mis, tobo'o mike tun-tun de coa namen jejano.

ROMA 16:20

Allah de melei sejahtera ngen manusio, bakea segro mpek Iblis neak beak kuasonu ngen majuane. Semoga Saudaro-saudaro bogoa diberkati Yesus Kristus Tuhan ite!

2 KORINTUS 11:14

Coa sele tobo'o menea awei o, sebab Iblis suang kulo nyamar sebagoi malaikat te'ang.

2 KORINTUS 11:3

Tapi uku saben, amen pekeran udi sensat kunei kesetiaan udi de sejati ngen Kristus, serai awei Hawa tergoda ngen kelicikan dung.

2 KORINTUS 12:7

Ngen supayo uku jibeak ombong kerno pengeliak-pengeliak de luea biaso o, uku nelei olon moi awokku de adeba utusan Iblis. Olon o nelei utuk mokoa uku supayo uku coa jijai ombong.

2 KORINTUS 2:11

Uku menea o supayo Iblis jibeak mok kesempatan utuk kemuaso ite; sebab ite namen rencano-rencanone.

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

EFESUS 4:14

Mako ite coa jijai anok-anok de terombang-ambing ngen coa tau arahne ngen memecem ajaran kunei tun-tun licik. Tobo'o menea tun seset ngen tipu muslihat tobo'o.

2 TESALONIKA 2:3

Awei ipe kulo, jibeak munyau tun mike udi. Sebab ayok sapei Bilai o, harusba tejijai hal yo lebiak dute: Dau tun bakea murtad, mengingkari Kristus; ngen Manusio Jahat de takdirne utuk masuk moi nerako, bakea kemten dirai.

1 TIMOTIUS 2:14

Isone Adam de tergoda, tapi Hawaba de tergoda ngen jijai beduso.

2 TIMOTIUS 3:13

dong tun jahat ngen tukang mike bakea tambeak jahat. Tobo'o mike tun luyen padahal tobo'o suang kulo keno pike.

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

1 YOHANES 5:19

Ite namen bahwo ite de Allah temuan, kunyau kute dunio yo ade neak beak kuaso de jahat.

YUDAS 1:9

Mikhael suang de jijai pemipin malaikat-malaikat, coa perneak menea awei o. Waktau si tekea ngen Iblis lem selisiak tetang api de bakea dapet mayit Musa, Mikhael coa binai mukum Iblis ngen kecek-kecek de coa baik. Mikhael cuma madeak, “Tuhan bakea mengiak ngen ko!”

WAHYU 12:12

Sebab o, lokba surgo ngen kute de tinggea neak lemne, riang! Tapi celakoba bumai ngen laut, sebab Iblis bi tu'un ngen udi, ngen kembiak mengiak, kerno si namen bahwo waktaune tinggea didik igai.”

WAHYU 12:3

Lajau keten kulo neak lenget suaktau de ajaib. Ade dikup nagai mileak de kembiak lai de temuan tujuak ulau ngen puluak tanduk. Tiep ulaune makei debueak mahkota.

WAHYU 12:7

Lajau neak surgo tejijai perang. Mikhael besamo malaikat-malaikatne tepua melawen nagai o. Ngen nagai o kulo tenulung malaikat-malaikatne melawen Mikhael.

WAHYU 12:8

Tapi nagai o aleak. Si ngen malaikat-malaikatne coa buliak igai tinggea neak surgo.

WAHYU 13:14

Ngen kute tun de idup neak bumai ngikene ngen keajaiban-keajaiban de buliak neane neak adep benatang de pertamo o. Ngen tobo'o kutene neluakne menea debuak patung kunei benatang de sudo sileak ngen pedang, tapi tep idup.

WAHYU 16:14

Tobo'o adeba roh-roh jahat de menea keajaiban-keajaiban. Ketelau roh o lalau magea kute rajo neak kute dunio ngen kemopoa tobo'o utuk tepua pado Bilai lai, adeba Bilai kunei Allah Mahakuaso.

WAHYU 18:2

Ngen sa'ei de lek, si mengang, “Sudo ajua! Babel lai bi ajua! Uyo si jijai penan semat-semat ngen roh-roh kidek. Neak lemne idup kute mecem burung de najis ngen de jengik tun.

WAHYU 18:23

Tun coa bakea kemliak igai cahayo lapu neak lem udi; ngen coa bakea kulo teni'uk keramaian pesta nikeak neak di. Pedagang-pedagangnu adeba tun-tun de paling terkemuko neak bumai, ngen lemau-lemau gaibnu ko mike kute bangso neak dunio!”

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 2:13

Uku namen neak ipe udi tinggea, neak penan Iblis tinggea. Udi setia ngen Uku. Mala ketiko Antipas, saksai Uku de setia o, nunuak neak adep udi neak penean Iblis tinggea, udi coa murtad bahwo udi pecayo ngen Uku.

WAHYU 2:24

Tapi udi de luyen-luyenne neak Tiatira coa temotoa ajaran de kidek o, ngen coa belajea lemau-lemau Iblis. Uku madeak bahwo Uku coa bakea nambeak beban luyen ngen udi.

WAHYU 2:9

Uku namen kesaro-kesaro udi; Uku namen udi peset – tapi sebeneane udi kayo! Uku namen fitnahan-fitnahan tobo'o, de madeak diraine tu Yahudi, padahal iso; tobo'o adeba umat Iblis!

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

WAHYU 20:8

ngen si bakea lalau mike bangsa-bangsa de tersebea neak kute dunio, adeba Gog ngen Magog. Iblis kemopoa tobo'o utuk perang, suaktau jumlah de kembiak lai, kedau benei neak laut.

WAHYU 3:9

Tingetba dio: Tun-tun de jijai umat Iblis o, pendusta-pendusta de makau diraine tun Yahudi padahal iso, Uku nea tobo'o sehinggo teko sujud neak adep nu. Ngen tobo'o bakea namen bahwo Uku mengasiak udi.

WAHYU 9:1

Lajau malaikat de kelemo kembus trupetne, ngen uku kemliak debueak bitang us kunei lenget moi das bumai. Bitang o nelei anok kucai jurang maut. Penan uak neak beak bumai neak ipe roh-roh jahat nukum sapei bilai ukumanne de terakhir.

WAHYU 9:20

Tapi ti'eak kunei umat manusio de coa matei kerno bencano-bencano o, coa tobat kunei uleak tangen tobo'o suang. Tobo'o coa bedan nyembeak roh-roh jahat ngen patung-patung mas, pirok, temagai, butau ngen kieu de coa dapet ngeliak, temi'uk, atau paneu.