WAHYU 12:7 - JANJAI BLAU Lem Bahaso Jang Bebilai

⁷ Lajau neak surgo tejijai perang. Mikhael besamo malaikat-malaikatne tepua melawen nagai o. Ngen nagai o kulo tenulung malaikat-malaikatne melawen Mikhael.

WAHYU 12:7 ပူးပေါင်းရင်းမြစ်များ

MATIUS 13:41

Anok Manusio bakea meluak malaikat-malaikat-Ne kemopoa umat-Ne kute de sembab tun menea duso, ngen kute tun luyenne de menea hal-hal de jahat.

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MATIUS 24:31

Trupet lai bakea sena'ei, ngen Anok Manusio bakea mluak malaikat-malaikat-Ne kemopoa umatne kunei kepat sudut bumai, kunei ujung lenget dedo sapei ujung lenget de luyen.”

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 26:53

Udi kemiro Uku coa dapet minoi tulung ngen Bak-Ku, ngen Si segro bakea kemirim lebiak kunei duai belas pasukan tentra malaikat?

2 KORINTUS 12:7

Ngen supayo uku jibeak ombong kerno pengeliak-pengeliak de luea biaso o, uku nelei olon moi awokku de adeba utusan Iblis. Olon o nelei utuk mokoa uku supayo uku coa jijai ombong.

EFESUS 6:12

Sebab ite berjuang isone melawen manusio, tapi melawen kekuatan kute iblis-iblis de kemuaso zaman de kidek yo. Ite melawen kekuatan roh-roh kidek de kemuaso udara.

2 TESALONIKA 1:7

Ngen udi de uyo yo saro – aweai o kulo ngen keme – Allah bakea melei kelegaan pado bilai Tuhan Yesus tu'un kunei surgo ngen kemten dirai-Ne ngen malaikat-malaikat-Ne de penuak kuaso

IBRANI 2:10

Memang bi sepatutne Allah – de menea kute sesuaktau utuk maksud-Ne su'ang – menea Yesus penyelamat de sempurno liwet penderitaan. Ngen o Allah dapet majok dau tun utuk turut diagungkan besamo Yesus. Sebab Siba meretes dalen bagiak tobo'o utuk dapet selamat.

2 PETRUS 2:4

Sebab amen Allah coa semayang malaikat-malaikat de menea duso tapi meting tobo'o moi lem nerako ngen awei yo semreakne moi lem guo-guo de kelem utuk maik tobo'o sapei Bilai Penghakiman.

YUDAS 1:9

Mikhael suang de jijai pemipin malaikat-malaikat, coa perneak menea awei o. Waktau si tekea ngen Iblis lem selisiak tetang api de bakea dapet mayit Musa, Mikhael coa binai mukum Iblis ngen kecek-kecek de coa baik. Mikhael cuma madeak, “Tuhan bakea mengiak ngen ko!”

WAHYU 12:8

Tapi nagai o aleak. Si ngen malaikat-malaikatne coa buliak igai tinggea neak surgo.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 13:7

Si neluak kulo melawen umat Allah serta maleak tobo'o. Ngen kuaso das kute suku, negara bahaso, ngen bangso nelei ngen si.

WAHYU 20:2

Lajau si temakep nagai o, dung tuai o, – adeba Iblis atau roh kidek o, – ngen si meketne utuk seribau taun anne.