WAHYU 12:3 - JANJAI BLAU Lem Bahaso Jang Bebilai

³ Lajau keten kulo neak lenget suaktau de ajaib. Ade dikup nagai mileak de kembiak lai de temuan tujuak ulau ngen puluak tanduk. Tiep ulaune makei debueak mahkota.

WAHYU 12:3 ပူးပေါင်းရင်းမြစ်များ

WAHYU 12:1

Lajau keten neak lenget suaktau de ajaib ngen luea biaso. Suang selawei de makei matai bilai sebagai keracokne, gidong je neak das bulan. Neak ulaune ade debueak mahkota kunei duai belas bitang.

WAHYU 12:13

Ketiko nagai o sadar bahwo si bi nuang moi bumai, si muloi jemalang selawei de sudo melaher anok semanei o.

WAHYU 12:17

Nagai o jijai kembiak mengiak ngen selawei o, sehinggo si lalau semrang turunan de luyen kunei selawei o, adeba kute tun de taat ngen periteak-periteak Allah, ngen de melei saksai tetang Yesus ngen kuaso-Ne.

WAHYU 12:4

Ngen ikoane si seme'et sepertelau kunei bitang-bitang neak lenget ngen nuangne moi bumai. Nagai o je neak adep selawei de lok melaher o ngen maksud temlen anokne, sesudo anokne laher.

WAHYU 12:7

Lajau neak surgo tejijai perang. Mikhael besamo malaikat-malaikatne tepua melawen nagai o. Ngen nagai o kulo tenulung malaikat-malaikatne melawen Mikhael.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 13:1

Sesudo'o uku kemliak dikup benatang keluea kunei laut. Si temuan puluak tanduk ngen tujuak ulau. Neak das tanduk-tandukne ade puluak mahkota ngen neak tiep ulaune tetulis debueak gen penghinaan teadep Allah.

WAHYU 13:2

Benatang de uku kemliak o awei macan tutul, kekeane awei kekea beruang, muncungne awei muncung singo. Lajau benatang o nelei nagai o kekuatanne su'ang, ngen takhtane, ngen kuasene de lai.

WAHYU 13:4

Ngen tobo'o nyembeak nagai o sebab si bi melei kuasone ngen benatang o. Ngen tobo'o nyembeak benatang o, samo madeak, “Coa ade de serai ngen benatang yo! Coa ade de dapet perang melawen si!”

WAHYU 15:1

Sesudo'o uku kemliak neak lenget sesuaktau de ajaib ngen luea biaso lai ne. Ade tujuak malaikat ngen tujuak bencano de terakhir. Dioba akhir murka Allah.

WAHYU 16:13

Lajau uku kemliak telau roh jahat de awei kekek. Masing-masing kekek o keluea kunei bibia nagai, kunei bibia benatang, ngen kunei bibia nebai palsu.

WAHYU 17:12

Puluak tanduk de udi kemliak o adeba puluak rajo de ati muloi meriteak. Tapi tobo'o bakea nelei kuaso utuk meriteak sebagai rajo besamo-samo ngen benatang o selamo de jam.

WAHYU 17:16

Puluak tanduk de udi kemliak ngen benatang o bakea jengik ngen selawei nakea o. Tobo'o bakea mbut kute de temuanne, ngen menea si jijai beleseng. Tobo'o bakea mbuk dagingne ngen benasone ngen opoi.

WAHYU 17:7

Lajau malaikat o madeak ngen uku, “Jano sebab ko sele? Baikba uku melei namen ngen udi resio selawei o ngen resio benatang de ken'nekne, adeba benatang de temuan tujuak ulau ngen puluak tanduk.

WAHYU 19:12

Matai-Ne awei opoi ngen neak ulau-Ne Si makei dau mahkota. Neak dirai-Ne tetulis do gen; ngen cuma Si su'ang de namen gen o.

WAHYU 20:2

Lajau si temakep nagai o, dung tuai o, – adeba Iblis atau roh kidek o, – ngen si meketne utuk seribau taun anne.