WAHYU 12:17 - JANJAI BLAU Lem Bahaso Jang Bebilai

¹⁷ Nagai o jijai kembiak mengiak ngen selawei o, sehinggo si lalau semrang turunan de luyen kunei selawei o, adeba kute tun de taat ngen periteak-periteak Allah, ngen de melei saksai tetang Yesus ngen kuaso-Ne.

WAHYU 12:17 ပူးပေါင်းရင်းမြစ်များ

MATIUS 28:20

Najeaba tobo'o menea kute de sudo Uku periteak ngen ko. Ingetba Uku bakea selalu semerto udi sapei Bilai Kiamat.”

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

1 KORINTUS 2:1

Saudaro-saudaro! Pado waktau uku teko ngen ko, melei namen ngen ko tetang rencano Allah de ati dunio namen. Uku coa makei kebijaksanaan dunio yo atau miling ngen kecek de kembiak baik.

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

1 YOHANES 2:3

Amen ite taat ngen periteak-periteak Allah, do'o tandone bahwo ite kemnal Allah.

1 YOHANES 5:10

Sebab o, tun de pecayo ngen Anok Allah, sudo temimo saksai o neak lem ateine; tapi tun de coa pecayo ngen Allah, bi manggap amen Allah pendusta, sebab si coa pecayo jano de nadeak Allah tetang anok-Ne.

1 YOHANES 5:2

Dioba tandone, bahwo ite mengasiak anok-anok Allah, adeba amen ite mengasiak Allah serto maneu periteak-periteak-Ne

WAHYU 1:2

Mako Yohanes kulo cemrito kute de kemliakne o; ngen dioba laporanne tetang pesen kunei Allah de kenuet Yesus Kristus liwet saksai-Ne.

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.

WAHYU 11:7

Sesudo tobo'o selsei melei bito tobo'o, benatang de keluea kunei jurang maut bakea melawen tobo'o. Si bakea maleak ngen munuak tobo'o.

WAHYU 12:16

Tapi bumai temulung selawei o; bumai mukok bibiane ngen temlen bioa de keluea kunei bibia nagai o.

WAHYU 13:7

Si neluak kulo melawen umat Allah serta maleak tobo'o. Ngen kuaso das kute suku, negara bahaso, ngen bangso nelei ngen si.

WAHYU 14:12

Lem hal yo umat Allah de taat ngen periteak-periteak Allah de setia ngen Yesus, perlu jijai tabah.

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

WAHYU 17:6

Lajau uku kemliak bahwo selawei o mabuk ngen daleak umat Allah ngen daleak tun-tun de nunuak kerno setia ngen Yesus. Ketiko uku kemliak selawei o, uku jijai sele.

WAHYU 18:20

Hai surgo, riangba das ajuane kota o! Hai umat Allah, rasul-rasul, ngen nebai-nebai, riang ba! Sebab Allah sudo mukum si sebagai pembalasan das jano de neane teadep udi!

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.

WAHYU 19:19

Sesudo'o uku kemliak benatang o, ngen rajo-rajo bumai ngen tentra-tentra tobo'o, bekopoa utuk tepur melawen Si de mbin kudo putiak ngen tentra-Ne

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 22:14

Riangba tun de mpuk jubahne sapei bersi sehinggo tobo'o berhok mbuk bueak kunei pun kehidupan ngen masuk moi lem kota o liwet gerbangne.

WAHYU 6:9

Sesudo'o Anok Bebirai o mukok segel de kelemo. Uku kemliak neak beak mezbah ade roh-roh tun-tun matei nunuak kerno tobo'o kemuet firman Allah liwet saksai tobo'o.