WAHYU 12:10 - JANJAI BLAU Lem Bahaso Jang Bebilai

¹⁰ Lajau uku temi'uk sa'ei de lek neak surgo madeak, “Uyoba waktaune Allah semlamat umat-Ne! Uyo Allah kemten kuaso-Ne sebagai Rajo! Uyo Rajo Penyelamat de jenanjai o kulo kemten kuaso-Ne! Sebab de temuduak saudaro-saudaro ite neak adep Allah lueng ngen kelmen, sudo kenluea kunei surgo.

WAHYU 12:10 ပူးပေါင်းရင်းမြစ်များ

MATIUS 26:64

Yesus jemawab, “Awei'oba nadeaknu. Tapi pecayoba: muloi uyo ko bakea kemliak Anok Manusio temot neak depeak kanen Allah De Kembiak Kuaso, ngen teko neak das mbun-mbun neak lenget!”

MATIUS 28:18

Yesus maok tobo'o ngen madeak, “Kute kuaso neak surgo ngen neak bumai sudo senreak ngen Uku.

MATIUS 6:10

Ko ba Rajo keme. Kirone Ko mriteak neak bumai ngen neak Surgo.

LUKAS 11:2

Jawab Yesus ngen tobo'o, “Amen udi bedu'o, nadeakba: ‘Bapa, senucaiba gen-Nu; tekoba Kerajaan-Nu.

LUKAS 22:31

“Simon, Simon, ti'uk! Iblis bi nelei izin utuk ngujai udi, awei gelpung cen'ei kunei kaleakne.

2 KORINTUS 12:9

Tapi Tuhan jemawab, “Cukupba anugerah-Ku bagiaknu, sebab justru lem kelemahanba kuaso-Ku jijai sempurno.” Sebab o, uku lebiak galok ombong das kelemahanku, supayo kuaso Kristus tu'un moi uku.

TITUS 2:3

Awei o kulo lokba ko nasehat selawei-selawei de tu'ai supayo plep tobo'o sesuoi ngen jano de patut bagiak tun de idup kusus bagiak Allah. Tobo'o coa buliak fitneak tun luyen, coa buliak bogoa mabuk. Tobo'o harus majea hal-hal de baik,

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

WAHYU 11:15

Lajau malaikat ketujuak kembus trupetne, mako neak surgo teni'uk sa'ei-sa'ei kembiak lek de madeak, “Kuaso utuk meriteak dunio uyo ade neak tangen Tuhan ite ngen Rajo Penyelamat de jenanjai-Ne. Si bakea meriteak utuk selamo-lamone!”

WAHYU 2:26

Tobo'o de menang, ngen sapei akhir bogoa menea jano de Uku lok, bakea Uku melei kuaso de serai awei de Uku temimo kunei Bapa-Ku. Tobo'o bakea temimo kuaso kunei Uku utuk meriteak bangso-bangso ngen tokot besai, ngen utuk majua bangso-bangso o awei ko'on kunei pitok.

WAHYU 7:10

Lajau ngen sa'ei lek tobo'o menggang, “Keselamatan ite tekone kunei Allah, de temot neak das takhta, ngen kunei Anok bebirai o!”