WAHYU 11:2 - JANJAI BLAU Lem Bahaso Jang Bebilai

² Tapi jibeakba nukua latet neak depeak luea Bait Sucai Allah o, sebab bagian o bi senreak ngen tun-tun de coa kemnal Tuhan. Tobo'o bakea melat Kota de Sucai o selamo pat puluak duai bulen.

WAHYU 11:2 ပူးပေါင်းရင်းမြစ်များ

MATIUS 27:53

Tobo'o keluea kunei kubua-kubua sesudo Yesus idup igai kunei mateine, ngen tobo'o masuk moi Yerusalem. Neak di dau tun kemliak tobo'o.

MATIUS 4:5

Sesudo'o Iblis mbin Yesus moi kota Yerusalem, Kota Sucai. Iblis mbin Yesus neak bubung umeak Bait Allah.

MATIUS 5:13

“Udi adeba silai dunio. Amen silai'o ijai ambea, nam coa udi nesienne igai? Coa de ade gunone igai. Seluyen nuang ngen nelat tun.

LUKAS 21:24

Ade de bakea nunuak ngen pedang, ade kulo de bakea nembin awei tahanan moi negrai-negrai tun, ngen tun-tun de coa kemnal Allah bakea melat Yerusalem sapei abis waktau de sudo tentau Tuhan utuk tobo'o.”

IBRANI 10:29

Padeak kebenek hukuman de harus nelei das tun de melat Anok Allah. Tun o manggap hino daleak perjanjian Allah, adeba mateine Kristus de bersih Si kunei duso. Si mino Roh kasiak karunio.

WAHYU 11:11

Sesudo telau setengeak bilai, tekoba napas idup kunei Allah ngen masuk igai moi lem keduai tun nebai o. Tobo'o kulo kelongon je, sehinggo kute tun de kemliak tobo'o jijai saben sekilai.

WAHYU 11:3

Uku bakea mutus duai tun saksai-Ku de makei keracok bekabung, ngen tobo'o bakea melei namen bito Allah selamo 1260 bilai.”

WAHYU 12:6

Mako selawei o melilai moi benei libea, moi penan de sudo seniap Allah utukne. Neak penan o si bakea nurus 1260 bilai anne.

WAHYU 21:10

Mako Roh Allah kemuaso uku, ngen malaikat o mbin uku moi das tebo de kembiak lekat. Si kemten ngen uku Yerusalem, kota sucai o, kota o tu'un kunei surgo, kunei Allah.

WAHYU 21:2

Mako uku kemliak kota sucai o, adeba Yerusalem de blau, tu'un kunei surgo kunei Allah. Kota o bi seniap awei pengaten selawei nrias utuk magea matenne.

WAHYU 22:19

Ngen amen tun kemu'ang sesuaktau kunei kecek-kecek nubuat yo, mako Allah kulo bakea kemu'ang bagianne de tenulis lem kiteb yo – adeba bagian kunei pun kehidupan ngen kunei kota sucai o.