WAHYU 11:19 - JANJAI BLAU Lem Bahaso Jang Bebilai

¹⁹ Mako tukokba Bait Sucai Allah neak surgo, ngen ketenba Petai Perjanjian neak lemne. Lajau tejijaiba kilat, gutua gemruduk, gepo ngen ujen es de lai.

WAHYU 11:19 ပူးပေါင်းရင်းမြစ်များ

WAHYU 11:13

Mako waktau o kulo tejijaiba gepo lai. Seperpuluak kunei kota o ajua, ngen tujuak ribau tun matei kerno gepo o. Tun-tun luyenne jijai kembiak saben, lajau tobo'o mujai kebesaran Allah neak surgo.

WAHYU 11:15

Lajau malaikat ketujuak kembus trupetne, mako neak surgo teni'uk sa'ei-sa'ei kembiak lek de madeak, “Kuaso utuk meriteak dunio uyo ade neak tangen Tuhan ite ngen Rajo Penyelamat de jenanjai-Ne. Si bakea meriteak utuk selamo-lamone!”

WAHYU 12:1

Lajau keten neak lenget suaktau de ajaib ngen luea biaso. Suang selawei de makei matai bilai sebagai keracokne, gidong je neak das bulan. Neak ulaune ade debueak mahkota kunei duai belas bitang.

WAHYU 16:1

Lajau uku temi'uk sa'ei kunei Bait Allah madeak ngen ketujuak malaikat o, “Lalauba ngen ne'engba ketujuak murka Allah o moi das bumai.”

WAHYU 16:18

Lajau tejijaiba gelep, ngen sa'ei gutua gemeruduk, serto gepo de kembiak lai. Coa perneak tejijai gepo awei o sejak manusio ade. Dioba gepo de paling lai!

WAHYU 16:21

Ujen es lai, masing-masing si'ingne lemo puluak kilo, cucia kunei lenget keno tun-tun. Mako tobo'o nyupeak Allah kerno bencano ujen es de kembiak lai o.

WAHYU 19:11

Sesudo'o uku kemliak surgo tukok, lajau keten dikup kudo putiak. Gen de mbinne adeba De Setia ngen De Benea. Si adea lem mok keputusan ukuman ngen lem peperangan de nea-Ne.

WAHYU 4:1

Sesudo'o uku dapet kemliak igai. Uku kemliak debueak bang tukok neak surgo. Sesudo'o teni'uk igai sa'ei de mulo-mulone bi miling ngen uku awei sa'ei trupet. Sa'ei o madeak, “Maro kenek mio. Uku bakea kemten ngen udi jano de bakea tejijai be.”

WAHYU 4:5

Kunei takhta o terpancar cahayo glep ngen keluea sa'ei gutua de kembiak lai. Ngen neak adep takhta o ade tujuak obor de nyala; do'oba ketujuak Roh Allah.

WAHYU 7:15

Do'oba sebabne tobo'o je neak adep takhta Allah. Ngen Si de temot neak das takhta o bakea teko ngen tobo'o utuk jemago tobo'o.

WAHYU 8:5

Sesudo'o malaikat o mok pedupaan o, semi'ingne ngen opoi kunei mezbah, lajau melukne moi das bumai. Mako gutua gemruduk, serto glep ngen gepo.

WAHYU 8:7

Lajau malaikat de pertamo kembus trupetne ngen tejijaiba ujen es, ngen opoi capua daleak tu'un ngen de'esne moi bumai. Sepertelau bumai habis tekemben; awei'o kulo sepertelau kunei pun-pun ngen tiep dukut de ijo.