WAHYU 11:18 - JANJAI BLAU Lem Bahaso Jang Bebilai

¹⁸ Tun-tun de coa kemnal Tuhan, ngamuk sebab bi waktaune Ko mengiak, ngen bi waktaune Ko mukum tun-tun matei. Dioba waktaune utuk melei upeak ngen hamba-hamba-Nu, tobo nebai, ngen kute umat-Nu, adeba kute tun de semyang ngen Ko, lai atau titik. Dioba waktaune utuk majua tun-tun de majua bumai!”

WAHYU 11:18 ပူးပေါင်းရင်းမြစ်များ

MATIUS 5:12

Ko harus benea-benea riang, kerno upeaknu lai neak surgo. Nebai-nebai de idup ayok udi kulo bi senikso.”

LUKAS 1:50

Rahmat-Ne tu'un-temu'un das tun de saben ngen Tuhan.

IBRANI 9:27

Allah bi temtep bahwo manusio matei debat bae, sesudo'o Allah nhukum.

WAHYU 10:7

Tapi amen malaikat ketujuak kembus trupetne, Allah bakea menea rencano resio-Ne, awei bi Si madeak ngen hamba-hamba-Ne, adeba paro nebai.”

WAHYU 11:2

Tapi jibeakba nukua latet neak depeak luea Bait Sucai Allah o, sebab bagian o bi senreak ngen tun-tun de coa kemnal Tuhan. Tobo'o bakea melat Kota de Sucai o selamo pat puluak duai bulen.

WAHYU 13:10

“Tun de harus nukum, bakea nukum. Ngen tun de harus nunuak ngen pedang, bakea nunuak ngen pedang. Do'oba sebabne umat Allah harus sabar ngen setia.”

WAHYU 13:16

Kute tun, lai ngen titik, kayo ngen peset, hamba ngen tun bebas, makso benatang o utuk temimo tando neak tangen kanen tobo'o atau moi ning tobo'o.

WAHYU 14:10

tun o bakea menem anggur Allah, adeba anggur murka Allah de sudo mpek lem penanne, coa ade ku'ang didik kulo! Kute tun o bakea senikso neak lem opoi ngen bli'ang neak adep malaikat-malaikat sucai ngen neak adep Anok Bebirai o.

WAHYU 15:1

Sesudo'o uku kemliak neak lenget sesuaktau de ajaib ngen luea biaso lai ne. Ade tujuak malaikat ngen tujuak bencano de terakhir. Dioba akhir murka Allah.

WAHYU 15:7

Sesudo'o saleak do kunei pat makhluk o melei ngen ketujuak malaikat o tujuak bueak penan mas de penuak ngen murka Allah, – Allah de idup selamo-lamone.

WAHYU 18:6

Neaba si awei ipe si bi menea udi; malesba si duai kilai lipet utuk kute de sudo neanne. Mpekba makukne ngen minuman de duai kilai lebiak keras kunei minuman de seniapne utuk udi.

WAHYU 19:15

Kunei bibia-Ne keluea debuak pedang de tajem ngen pedang o Si bakea maleak bangsa-bangsa, ngen Si bakea meriteak tobo'o ngen tokot besai. Si bakea miyuak anggur neak lem alat utuk miyuak anggur murka Allah De Mahakuaso.

WAHYU 19:18

Maroba mbuk daging rajo-rajo, daging panglima-panglima ngen daging pahlawan-pahlawan; maroba mbuk daging tun-tun de mbin kudo ngen daging kudo-kudone ngen daging kute umat manusio, lai ngen titik, hamba ngen tun bebas!”

WAHYU 19:5

Lajau teni'uk kunei takhta o sa'ei de madeak, “Pujaiba Allah, hai kute hamba Allah, ngen kute tun – lai titik – de nyembeak Allah!”

WAHYU 20:12

Ngen uku kemliak tun-tun matei, lai titik, je neak adep takhta o. Mako kiteb-kiteb kulo nukok. Lajau debueak kiteb de luyen nukok, adeba Kiteb Tun Idup. Sesudo'o ukuman nelei ngen tun matei, setipal ngen plep tobo'o temurut de ade neak lem bukau-bukau o.

WAHYU 20:15

Tun-tun de genne coa tetulis neak lem Bukau Tun Idup, nuang moi lem lautan opoi.

WAHYU 22:12

“Kemliakba dio!” nadeak Yesus, “Coa an igai uku bakea teko ngen mbin upeak utuk males tiep tun temotoa jano de sudo nea ne.