WAHYU 11:15 - JANJAI BLAU Lem Bahaso Jang Bebilai

¹⁵ Lajau malaikat ketujuak kembus trupetne, mako neak surgo teni'uk sa'ei-sa'ei kembiak lek de madeak, “Kuaso utuk meriteak dunio uyo ade neak tangen Tuhan ite ngen Rajo Penyelamat de jenanjai-Ne. Si bakea meriteak utuk selamo-lamone!”

WAHYU 11:15 ပူးပေါင်းရင်းမြစ်များ

MATIUS 24:31

Trupet lai bakea sena'ei, ngen Anok Manusio bakea mluak malaikat-malaikat-Ne kemopoa umatne kunei kepat sudut bumai, kunei ujung lenget dedo sapei ujung lenget de luyen.”

MATIUS 6:13

Jibeak muyau keme coa pecayo waktau keme cenuba. tapi ne'uakba keme kunei kuaso Iblis. [Koba Rajo de kuaso ngen mulio utuk selamone. Amin.]’

LUKAS 1:33

Si bakea meriteak awei rajo das royot Yakub sekean-keanne. Kerajaan-Ne coa bakea abis.”

LUKAS 15:10

Uku madeak ngen udi, ‘Awei yo kulo bakea ade riang pado malaikat-malaikat Allah kerno do tun beduso de betobat!’ ”

LUKAS 15:6

ngen sesapeine neak umeak si menok kekuat ngen tetanggone serto madeak ngen tobo'o, ‘Beriangba sesamo ngen uku, sebab bebiraiku de nyep o bi uku temau.’

KISAH RASUL-RASUL 4:26

Rajo-rajo dunio siap utuk perang, ngen tobo pemipin bekopoa utuk melawen Tuhan ngen Rajo Penyelamat.’

IBRANI 1:8

Tapi ngen Anok o, Allah madeak, “Takhta-Nu, ya Allah, bakea kekal selamo-lamone! Pemerintahan-Nu adeba pemerintahan de adea.

WAHYU 10:7

Tapi amen malaikat ketujuak kembus trupetne, Allah bakea menea rencano resio-Ne, awei bi Si madeak ngen hamba-hamba-Ne, adeba paro nebai.”

WAHYU 12:10

Lajau uku temi'uk sa'ei de lek neak surgo madeak, “Uyoba waktaune Allah semlamat umat-Ne! Uyo Allah kemten kuaso-Ne sebagai Rajo! Uyo Rajo Penyelamat de jenanjai o kulo kemten kuaso-Ne! Sebab de temuduak saudaro-saudaro ite neak adep Allah lueng ngen kelmen, sudo kenluea kunei surgo.

WAHYU 15:4

Api de coa saben ngen Ko, Tuhan? Api de coa lok melei bito kebesaran-Nu? Ko bae de sucai. Kute bangso bakea teko nyembeak Ko Kerno tindakan-tindakan-Nu de adea bi kenliak kute tun.”

WAHYU 16:17

Sesudo'o malaikat ke tujuak temupeak si'ing penanne moi udara. Mako teni'ukba sa'ei de lek kunei takhta neak Bait Sucai, de madeak, “Sudo selsei!”

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

WAHYU 19:1

Sesudo'o uku temi'uk sa'ei awei sa'ei tun dau gidong nyanyi kunei surgo de menggang, “Pujaiba Allah! Allah ite adeba Allah de semlamat; Si Allah de agung ngen bekuaso!

WAHYU 19:6

Sesudo'o uku temi'uk sa'ei awei sa'ei sekelopok tun dau nien; sa'eine awei umbok lai ngen awei gutua gemruduk. Uku temi'uk tobo'o madeak, “Pujaiba Allah! Sebab Tuhan, Allah ite De Mahakuaso o uyo meriteak!

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 8:12

Lajau malaikat kepat kembus trupetne. Mako tetepokba sepertelau kunei matai bilai, sepertelau kunei bulen, ngen sepertelau kunei bitang-bitang sehinggo nyepba sepertelau kunei kekuatan cahayo tobo'o. Kulo sepertelau kunei lueng coa te'ang ngen awei o kulo sepertelau kunei kelmen.

WAHYU 9:1

Lajau malaikat de kelemo kembus trupetne, ngen uku kemliak debueak bitang us kunei lenget moi das bumai. Bitang o nelei anok kucai jurang maut. Penan uak neak beak bumai neak ipe roh-roh jahat nukum sapei bilai ukumanne de terakhir.

WAHYU 9:13

Sesudo'o malaikat de kenum kembus trupetne. Mako uku temi'uk sa'ei teko kunei kepat sudut mezbah mas de ade neak adep Allah.