WAHYU 11:13 - JANJAI BLAU Lem Bahaso Jang Bebilai

¹³ Mako waktau o kulo tejijaiba gepo lai. Seperpuluak kunei kota o ajua, ngen tujuak ribau tun matei kerno gepo o. Tun-tun luyenne jijai kembiak saben, lajau tobo'o mujai kebesaran Allah neak surgo.

WAHYU 11:13 ပူးပေါင်းရင်းမြစ်များ

YOHANES 9:24

Lajau tobo'o menok utuk keduai kilaine tun de nanone suati'o. Tobo'o madeak ngen Si, “Nadeakba de benea neak adep Allah; keme namen bahwo tun o tun beduso.”

KISAH RASUL-RASUL 1:15

Sewaktau bilai o je ba Petrus neak tengeak-tengeak tun-tun do imen gidong bekopoa o, kekiro sotos duai puluak tun dau ne, lajau madeak,

WAHYU 11:11

Sesudo telau setengeak bilai, tekoba napas idup kunei Allah ngen masuk igai moi lem keduai tun nebai o. Tobo'o kulo kelongon je, sehinggo kute tun de kemliak tobo'o jijai saben sekilai.

WAHYU 11:19

Mako tukokba Bait Sucai Allah neak surgo, ngen ketenba Petai Perjanjian neak lemne. Lajau tejijaiba kilat, gutua gemruduk, gepo ngen ujen es de lai.

WAHYU 14:7

Malaikat o menggang ngen sa'ei de lek, “Sabenba ngen Allah, ngen pujaiba kebesaran-Ne! Sebab bi waktaune Allah mukum manusio. Sembeakba Si de jemijai lenget, bumai, laut ngen kute matai bioa!”

WAHYU 15:4

Api de coa saben ngen Ko, Tuhan? Api de coa lok melei bito kebesaran-Nu? Ko bae de sucai. Kute bangso bakea teko nyembeak Ko Kerno tindakan-tindakan-Nu de adea bi kenliak kute tun.”

WAHYU 19:7

Maroba ite beriang-riang ngen sukacito; maroba ite mujai kebesaran-Ne! Sebab bi sapei bilai pernikahan Anok Bebirai o, ngen pengaten selawei-Ne bi siap utuk nikeak.

WAHYU 3:4

Tapi neak tengeak-tengeak udi neak Sardis masiak ade tun de jemago supayo keracokne tep bersih. Tobo'o bakea paneu besamo-samo Uku ngen makei keracok putiak, sebab tobo'o patas utuk do'o.

WAHYU 6:12

Lajau uku kemliak Anok Bebirai o mukok segel de kenum. Tejijaiba gepo lai, matai bilai jijai meleu awei kain meleu de kasar, ngen bulen jijai mileak awei daleak.

WAHYU 8:5

Sesudo'o malaikat o mok pedupaan o, semi'ingne ngen opoi kunei mezbah, lajau melukne moi das bumai. Mako gutua gemruduk, serto glep ngen gepo.