WAHYU 1:18 - JANJAI BLAU Lem Bahaso Jang Bebilai

¹⁸ Ukuba Si de idup! Uku bi matei, tapi kemliakba, Uku idup utuk selamo-lamone. Uku bekuaso das matei, ngen das dunio tun matei.

WAHYU 1:18 ပူးပေါင်းရင်းမြစ်များ

MATIUS 11:23

Ngen ko Kapernaum! Jano ko bakea nlekat sapei moi surgo? Coa! Malah ko bakea nuang moi nerako! Sebab seandaine mujizat-mujizat de nea neak antaronu'o sudo nea neak Sodom, Sodom'o masiak ade sapei uyo!

MATIUS 16:19

Uku bakea melei ngen ko kucai kunei dunio belau temuan Allah. Jano de ko temgeak neak das bumai, kulo mbenea neak surgo. Ngen jano de ko mbenea neak das bumai, kulo temgeak neak das surgo.”

LUKAS 24:5

Tobo'o kembiak saben ngen temunduk ulau, tapi keduai tun o madeak ngen tobo'o, “Getai udi mesoa Si de idup, neak antaro tun matei?

YOHANES 11:25

Jawab Yesus, “Uku ba de melei idup ngen midup igai tun matei. Api bae de pecayo ngen Uku, si bakea idup kunyau si bi matei.

YOHANES 14:19

Tegoa igai dunio coa bakea kemliak Uku, tapi udi bakea kemliak Uku sebab Uku idup ngen udi kulo bakea idup.

ROMA 6:9

Kerno ite namen, bahwo Kristus, sesudo Si idup igai kunei antaro tun matei, coa matei igai: maut coa bekuaso igai das Si.

2 KORINTUS 13:4

Memang pado waktau Si senalib, Si lemah, tapi uyo Si idup kerno kuaso Allah. Keme kulo lemah lem idup keme de jijai do ngen Kristus, tapi amen madep udi, keme kulo kuet besamo Kristus kerno kuaso Allah.

GALATIA 2:20

Uyo iso igai uku de idup, tapi Kristus de idup lem dirai uku. Idup de uyo uku maneu seca'o jasmani adeba idup ngen imen lem Anok Allah de sudo mengasihi uku ngen semreak dirai-Ne utuk uku.

KOLOSE 3:3

Sebab udi bi matei, ngen idupnu coa keten besamo Kristus neak lem Allah.

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.

IBRANI 7:16

Si naket jijai imem, iso kerno peraturan-peraturan manusio, meluyen kerno idup-Ne de berkuaso ngen de coa ade abisne.

IBRANI 7:25

Kerno o utuk selamo-lamone Yesus dapet semlamat tun-tun de teko ngen Allah liwet Si, sebab Si idup selamo-lamone utuk melei permohonan ngen Allah bagiak tun-tun o.

WAHYU 10:6

Si supeak demi Allah de idup selamo-lamone, de jemijai lenget, bumai ngen laut serto kute de ade neak lemne. Malaikat o madeak, “Waktaune coa bakea mondor igai!

WAHYU 15:7

Sesudo'o saleak do kunei pat makhluk o melei ngen ketujuak malaikat o tujuak bueak penan mas de penuak ngen murka Allah, – Allah de idup selamo-lamone.

WAHYU 2:8

“Ngen malaikat jemaat neak Smirna, tulisba awei yo: Dioba pesen kunei Si de Pertamo ngen Terakhir – de sudo matei ngen idup igai.

WAHYU 20:13

Lajau laut semreak tun-tun matei de ade neak lemne. Maut ngen Alam Maut kulo semreak tun-tun matei de ade ngen si. Ngen tun-tun matei o kutene nelei ukuman setipal ngen plep tobo'o.

WAHYU 20:14

Sesudo'o Maut ngen Alam Maut nuang moi lem lautan opoi. (Lautan opoi yo adeba kematian tahap keduai.)

WAHYU 3:7

“Ngen malaikat jemaat neak Filadelfia, tulisba awei yo: Dioba pesen kunei Si de sucai ngen sejati. Siba de megong kucai Daud; amen Si mukok, coa suang kulo dapet kematupne, ngen amen Si kematupne, coa suang kulo dapet mukokne.

WAHYU 4:9

Kepat makhluk o mbin legau pujian, hormat ngen syukur ngen Si de temot neak takhta o, adeba Si de idup utuk selamo-lamone. Ngen pado waktau makhluk-makhluk o nyanyi,

WAHYU 5:14

Mako kepat makhluk o jemawab, “Amin!” Ngen pemipin-pemipin o tukup ngen nyembeak.

WAHYU 6:8

Uku kemliak, lajau keten dikup kudo pucet. Gen de ngembinne adeba Maut ngen kerajaan maut notoane. Kuaso das seperapat kunei bumai yo senreak ngen tobo'o, supayo tobo'o dapet munuak liwet perang, liwet kelaparan, liwet wabah olon ngen liwet benatang-benatang buas.

WAHYU 9:1

Lajau malaikat de kelemo kembus trupetne, ngen uku kemliak debueak bitang us kunei lenget moi das bumai. Bitang o nelei anok kucai jurang maut. Penan uak neak beak bumai neak ipe roh-roh jahat nukum sapei bilai ukumanne de terakhir.