WAHYU 1:16 - JANJAI BLAU Lem Bahaso Jang Bebilai

¹⁶ Tangen kanen-Ne megong tujuak bitang, ngen kunei bibia-Ne keluea debueak pedang tajem de bematai duai. Papea-Ne bersinar awei matai bilai pado tengeak bilai

WAHYU 1:16 ပူးပေါင်းရင်းမြစ်များ

MATIUS 17:2

Neak adep tobo'o, Yesus mubeak rupo; Papeane awei matai bilai ngen bajaune putiak besinea.

KISAH RASUL-RASUL 26:13

Tetibo, hoi Rajo Agripa, pado tengeak bilai uku kemliak neak tengeak dalen o cayo de kebiak te'ang kunei cayo matai bilai, tu'un kunei lenget seminar kemliling uku ngen kekuat pemaneuku.

EFESUS 6:17

Mokba keselamatan sebagai tudung baja, ngen kecek Allah sebagai pedang kunei Roh Allah.

IBRANI 4:12

Kecek Allah adeba kecek de idup ngen kuet; lebiak tajem kunei pedang matai duai. Kecek o menikem sapei moi batas antaro jiwo ngen roh; sapei moi batas antaro sesendai telan sumsum, sehinggo namen lebiak lem pekeran ngen niat atei manusio.

WAHYU 1:20

Dioba resio kunei tujuak bitang de udi kemliak neak tangen kanen-Ku, ngen kunei tujuak kekea lapu mas o: Tujuak bitang o adeba paro malaikat ketujuak jemaat, ngen tujuak kekea lapu o adeba ketujuak jemaat o.”

WAHYU 10:1

Lajau uku kemliak suang malaikat perkasa de luyen tu'un kunei surgo. Si tenutup embun, ngen pelangi melikea neak ulaune. Papeane bersinar awei matai bilai, kekeane awei tiang opoi.

WAHYU 12:1

Lajau keten neak lenget suaktau de ajaib ngen luea biaso. Suang selawei de makei matai bilai sebagai keracokne, gidong je neak das bulan. Neak ulaune ade debueak mahkota kunei duai belas bitang.

WAHYU 19:15

Kunei bibia-Ne keluea debuak pedang de tajem ngen pedang o Si bakea maleak bangsa-bangsa, ngen Si bakea meriteak tobo'o ngen tokot besai. Si bakea miyuak anggur neak lem alat utuk miyuak anggur murka Allah De Mahakuaso.

WAHYU 19:21

Ngen tentra perang tobo'o nunuak ngen pedang de keluea kunei bibia penungang kudo putiak o. Mako burung-burung kulo teko mbuk daging tobo'o de nunuak o.

WAHYU 2:1

“Ngen malaikat jemaat neak Efesus, tulisba awei yo: Dioba pesen kunei Si de megong ketujuak bitang pado tangen kanen-Ne, ngen paneu neak antaro ketujuak kekea lapu mas o.

WAHYU 2:12

“Ngen Malaikat jemaat neak Pergamus, tulisba awei yo: Dioba pesen kunei Si de megong pedang tajem matai duai.

WAHYU 2:16

Sebab o, tobatba kunei duso-dusonu! Amen coa, tegoa igai Uku bakea teko ngen udi, merang tun-tun o ngen pedang de ade neak bibia-Ku.

WAHYU 3:1

“Ngen jemaat neak Sardis, tulisba awei yo: Dioba pesen kunei Si de temuan ketujuak roh kunei Allah ngen ketujuak bitang o. Uku namen jano de udi nea. Nadeakne udi idup, padahal udi matei!