TITUS 3:2 - JANJAI BLAU Lem Bahaso Jang Bebilai

² Nadeak ngen tobo'o supayo jibeak fitneak atau betekea ngen api bae, tapi supayo besikep ramah. Lokba tobo'o bogoa besikep lemuak te'adep kute tun.

TITUS 3:2 ပူးပေါင်းရင်းမြစ်များ

MATIUS 11:29

Totoaba periteak-Ku ngen belajeaba kunei pado-Ku. Sebab Uku yo lemah lembut ngen rendeak atei, mako udi bakea meding segar.

KISAH RASUL-RASUL 23:5

Paulus jemawab, “Hoi pasuak-pasuak, uku coa namen bahwo si adeba Imem Lai. Memang ade tetulis: Jibeakba ko madeak kidek tetang suang pemipin bangsonu!”

1 KORINTUS 6:10

de maling, de serakeak, tukang mabuk, de galok kemidek tun luyen, tukang mike, coa bakea jijai anggota umat Allah.

1 KORINTUS 9:19

Uku yo iso hamba api bae; uku bebas. Kunyau awei'i, uku bi jijai diraiku yo hamba ngen kute tun. Uku neak o supayo uku dapet mbin dau tun utuk Kristus.

2 KORINTUS 10:1

Uku, Paulus, suang tun de coa binai amen sekadep papea ngen udi, tapi binai teadep udi amen kunei ku'uak, uku minget udi demi Kristus de lemah lembut ngen ramah.

2 KORINTUS 12:20

Uku khawatir bahwo pado waktau uku mulau udi be, uku kemliak udi coa awei jano de uku lok, ngen udi kulo bakea kemliak uku coa awei de udi lok. Jibeak sapei be ade de tekea, iri atei, panes atei, mementingkan dirai suang, fitneak, majung, ombong ngen kemacau.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

GALATIA 6:1

Saudaro-saudaro, amen suang tun menea duso, lokba udi de idup temurut Roh Allah, melei nasihat tun o belek moi dalen de benea. Tapi udi harus menea o ngen lemah lembut, ngen jagoba jibeak sapei udi suang tergoda kulo.

GALATIA 6:10

Kerno o, selamo masiak ade kesempatan bagiakte, maroba ite menea baik ngen kute tun, tapi terutamo ngen saudaro-saudaro do imen.

EFESUS 4:2

Lokba udi rendeak atei, lemah lembut, ngen sabar. Kentenba kasiaknu ngen saling temulung.

EFESUS 4:31

Nuangba kute perasaan gis atei, garang mengiak, gu'ok ngen fitneak, awei o kulo kute kejahatan.

FILIFI 4:5

Lokba kute tun dapet kemliak sikep udi de baik atei. Sebab coa an igai Tuhan bakea teko.

1 TESALONIKA 2:7

Tapi keme besikap lemah lembut sewaktau ade neak tengeak-tengeak udi, awei suang indok murus ngen tlusik anokne.

1 TIMOTIUS 3:11

Ngenyan-ngenyan tobo'o lokba tun terhormat, harusba kulo tun baik, iso tun de galok fitneak. Tobo'o harus temaen dirai ngen jujur lem kute hal.

1 TIMOTIUS 3:3

jibeak tun galok mabuk, atau de galok belago. Sebelekne, si harus lemah lembut, damoi. Si coa buliak mata duitan.

YAKOBUS 3:17

Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik.

YAKOBUS 4:11

Saudaro-saudaro jibeakba saling mino atau saling semaleak. Tun de mino atau semaleak saudarone de samo-samo Kristen, si mino ngen semaleak hukum Allah. Ngen amen udi semaleak hukum Allah, do'o taine udi coa temotoa hukum-hukum o, meluyen jijai hakimne.

1 PETRUS 2:1

Kerno o, nuangba kunei dirainu kute de jahat; jibeak igai mike, jibeak pura-pura. Jibeak iri atei, jibeak mino tun luyen.

1 PETRUS 3:10

Neak lem Kiteb Sucai tetulis awei yo, “Tun de lok menikmati idup ngen lok midep bilai-bilai de baik, harus jemago bibiane supayo coa madeak hal-hal de kidek ngen coa madeak hal-hal de coa benea.

1 PETRUS 3:8

Kesimpulanne adeba: lokba Saudaro-saudaro do atei ngen do perasaan. Lokba udi saling sayang menyayangi awei tun-tun de bersaudaro. Ngen lokba udi berbelaskasihan ngen bersikap rendak atei.

1 PETRUS 4:4

Uyo tun de coa kemnal Tuhan, heran bahwo udi coa milem idup awei'o tobo'o, menikmati duso ngen coa ade batas. Do'oba sebabne tobo'o mino udi.

2 PETRUS 2:10

khususne tun-tun de temurut kelok-kelok hawa nafsu tobo'o ngen de mino kuaso Allah. Kembiak binaine ngen sombongne gu'au-gu'au palsu o sehinggo tobo'o coa sesegan mino tobo makhluk de mulio neak surgo!

YUDAS 1:10

Tapi tobo'o mino kute sesuaktau de coa tobo'o ngertai. Tobo'o serai awei benatang-benatang de coa temuan akea, de namen hal-hal ngen nalurine bae. Tapi justru hal-hal'oba de jijai sebab kehancuran tobo'o.

YUDAS 1:8

Awei o kulo tun-tun o berhayal sapei tobo'o menea duso teadep awok tobo'o suang. Tobo'o manggap rendeak kuaso Allah ngen mino makhluk-makhluk de mulio neak surgo.