TITUS 1:2 - JANJAI BLAU Lem Bahaso Jang Bebilai

² Ajaran o das dasar harapan bahwo ite bakea temimo idup sejati ngen kekal. Allah bi melei janjai idup o ayok mulone zaman – ngen Allah coa mukin ngike.

TITUS 1:2 ပူးပေါင်းရင်းမြစ်များ

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 25:46

Lajau tun-tun'o bakea nukum ngen ukuman de baka, tapi tun-tun de menea kelok Allah bakea idup de baka.”

MARKUS 10:17

Pado waktau Yesus temrus pemaneu-Ne, tekoba suang tun ngacap magea Yesus ngen samo sujud neak adep-Ne si betanye, “Gu'au de baik, jano de harus Uku menea utuk dapet idup de kekal?”

MARKUS 10:30

Tun'o uyo pado maso uyo kulo bakea temimo igai sotos kilai lipet: Umeak, pasuakne semanei, pasuakne selawei, indok, anok ngen kebun, debatpun senerto berbagoi penganiayaan, pado zaman de bakea teko si bakea temimo idup de kekal.

YOHANES 10:28

Uku melei idup de kekal ngen tobo'o ngen coa bakea benaso sapei seke'anne ngen coa suang tun mok tobo'o kunei tangen-Ku.

YOHANES 17:2

Serai awei Ko bi melei ngen Si kuaso das kute de idup, awei yo kulo Si bakea melei idup de kekal ngen kute de sudo Ko melei ngen Si.

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

YOHANES 5:39

Udi semlidik Kiteb Sucai, sebab udi sako bahwo neak lem-Ne udi temau idup de kekal. Tapi kunyau Kiteb Sucai o melei saksai tetang Uku.

YOHANES 6:54

Api de mbuk daging-Ku ngen mbuk daleak Ku, si temuan idup de kekal ngen Uku bakea midupne pado Bilai Kiamat.

YOHANES 6:68

Jawab Simon Petrus ngen-Si, “Tuhan, ngen api keme bakea lalau? Kecek-Nu adeba kecek idup de kekal.

KISAH RASUL-RASUL 15:18

de sudo namen sejok semulo.’

ROMA 1:2

Bito Baik o sudo jenanjai-Ne ayokne liwet nebai-nebai-Ne lem Kiteb Sucai.

ROMA 16:25

Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen.

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

ROMA 5:2

Kerno ite percayo ngen Yesus, mako ite kulo dapet kasih karunio kunei Allah. Neak lem kasih karunio yo, ite idup ngen bangga lem pengharapan ngen temimo kemulioan Allah.

ROMA 5:21

Supayo, serai awei duso bekuaso lem alam maut, awei o kasih karuni bakea bekuaso kerno kebenaran utuk idup de kekal, kerno Yesus Kristus, Tuhan ite.

ROMA 5:4

ngen ketaatan menea ite taen nujai ngen kerno ite taen nujai, ite dapet pengharapan.

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

KOLOSE 1:27

Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

1 TESALONIKA 2:15

Bahkan tun-tun Yahudi o de bi munuak Tuhan Yesus ngen para nebai, bi semikso keme. Tobo'o musuak ngen kute tun, Allah samo sekilai coa senang ngen tobo'o.

1 TESALONIKA 5:8

Tapi ite, de adeba tun-tun lueng, sebab o pekeran ite harus te'ang. Ite harus tep pecayo ngen Tuhan ngen mengasihi tun-tun luyen serto ma'ep ngen yakin bahwo Allah bakea semlamat ite. Do'oba senatai de melindungi ite lem perjuangan melawen kelem.

1 TIMOTIUS 6:12

Berjuangba sungguak-sungguak utuk idup sebagai tun Kristen supayo ko mbut hadiah sejati ngen kekal. Sebab utuk o ba Allah menok ko pado waktau ko ngakau neak adep dau tun bahwo ko pecayo ngen Kristus.

1 TIMOTIUS 6:19

Ngen awei o tobo'o melungguk hok de jijai modal de baik utuk masa depan. Utuk dapet idup de sebeneane, adeba idup de sejati.

2 TIMOTIUS 1:1

Timotius, anokku de uku semayang! Uku, Paulus, temulis su'et yo ngen ko, ma'ep Allah Bapa ngen Tuhan te Kristus Yesus melei berkat, rahmat, sejahtera ngenko. Das kelok Allah uku naket jijai rasul Kristus Yesus, nutus utuk melei namen tetang idup de jenanjai Allah. Idup o ite temimo kerno jijai do ngen Kristus Yesus.

2 TIMOTIUS 1:9

Allah semlamat ite ngen menok ite supayo jijai umat-Ne suang. Si menea o iso kerno jano de ite bi kenerjo, tapi kerno rencano-Ne suang ngen rahmat-Ne. Si melei ite rahmat-Ne liwet Kristus Yesus ayok dunio yo ade.

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.

2 TIMOTIUS 2:13

Amen ite coa setia, Si tep setia, kerno Si coa dapet muker dirai-Ne suang.”

2 TIMOTIUS 2:15

Lokba ko berusaho sungguak-sungguak supayo Allah makau ko sebagai tun de layak bekerjo utuk-Ne. Berusahoba supayo ko coa selek tetang kerjonu, meluyen majea seca'o tepat ajaran-ajaran benea kunei Allah.

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

TITUS 2:7

Lem kute hal lokba ko jijai teladan de baik. Amen ko majea, ko harus jujur ngen sungguak-sungguak.

TITUS 3:7

supayo rahmat Yesus, menea ite baik igai ngen Allah, ite temimo idup sejati ngen kekal.

1 YOHANES 2:25

Dioba de jenanjai Kristus su'ang ngen ite: idup sejati ngen kekal.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.

YUDAS 1:21

ngen idupba terus neak lem naungan kasih Allah selamo udi mbot rahmat Yesus Kristus Tuhan ite, de bakea melei ngennu idup sejati ngen kekal.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 17:8

Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.