ROMA 9:4 - JANJAI BLAU Lem Bahaso Jang Bebilai

⁴ Sebab tobo'o adeba tun Israel, tobo'o bi naket jijai anok, ngen tobo'o bi temimo kemuliaan, janjai-janjai, ngen hukum agamo Yahudi.

ROMA 9:4 ပူးပေါင်းရင်းမြစ်များ

MATIUS 21:33

“Teni'ukba umpamone de do yo igai,” nadeak Yesus. “Ade suang tun temuan kebun temanem de biding kebun anggur. Si menea pagar neak kelilingne, Si mikoa lubang utuk alat mames anggur ngen temgok menara utuk jago. Sesudo'o si semiwo kebun anggur'o ngen pekerjo-pekerjo, lajau brakat moi negrai luyen.

YOHANES 1:17

Sebab Hukum Taurat nelei liwet Musa. Tapi anugrah ngen benea teko liwet Yesus Kristus.

YOHANES 1:47

Yesus kemliak Natanael teko ngen Si, lajau madeak tetang Si, “Keliak, dioba suang tun Israel sejati; coa ade kepalsuan lemne!”

KISAH RASUL-RASUL 2:39

Sebab de jenanjai Allah o adeba utuknu ngen royotnu serto utuk tun-tun de ade neak penan-penan de uak – adeba kute tun de menok Allah Tuhan ite utuk teko ngen-Si.”

ROMA 3:2

Dau nien, ngen neak lem kute hal. Pertamo-tamo: sebab ngen tobo'oba Allah cayo firman-Ne.

ROMA 8:15

Sebab udi coa temimo roh budok de menea udi jijai saben igai, tapi udi bi temimo Roh de jemijai udi anok-anok Allah. Ngen Roh o ite menggang, “ya Abba, ya Bapa!”

ROMA 9:6

Tapi firman Allah coa mukin gagal. Sebab coa kute tun de asalne kunei Israel adeba tun Israel.

2 KORINTUS 11:22

Jano tobo'o tun Ibrani? Uku kulo tun Ibrani! Jano tobo'o tun Israel? Uku kulo tun Israel. Jano tobo'o tembo Abraham? Uku kulo tembo Abraham!

GALATIA 3:16

Janjai-janjai Allah nea Allah utuk Abraham ngen utuk tun royot Abraham. Lem Kiteb Sucai coa tetulis “ngen utuk tun-tun royot Abraham”, de taine dau tun. De tetulis neak di adeba “ngen utuk tun royotnu”, taine do tun bae, adeba Kristus.

EFESUS 2:12

Pado waktau o udi coa jijai do ngen Kristus, udi adeba tun asing de coa termasuk umat pilihan Allah. Udi coa termasuk lem ikatan janjai de nea Allah ngen umat-Ne. Udi idup lem dunio yo coa ade harapan ngen coa ade Allah.

IBRANI 9:1

Janjai de pertamo temuan peraturan-peraturan ibadah, ngen temuan kulo penan ibadah nea manusio.

IBRANI 9:10

Kerno upacara-upacara o cuma berkenan ngen kembuk, menem, ngen memecem upacara penyucian. Kutene cuma peraturan-peraturan laher de beguno cuma sapei waktaune Allah menea pembaharuan.

IBRANI 9:3

De neak lemne, adeba neak blakang tabir de keduai, ade ruangan de genne Ruang Mahasucai.

IBRANI 9:5

Neak das Petai o ade duai Kerub, adeba makhluk sayep de jijai lambang adene Allah. Sayep kunei keduai makhluk o tebetang neak das tutup Petai, adeba penan pengampunan duso. Tapi kutene o coa dapet ten'ang uyo seca'o jelas.

IBRANI 9:6

Awei'oba kutene natur. Tiep bilai imem-imem masuk moi lem neak muko kemah o utuk maneu tugas tobo'o.