ROMA 9:22 - JANJAI BLAU Lem Bahaso Jang Bebilai

²² Jijai, amen utuk kemten murka-Ne ngen kemten kuaso-Ne, Allah melei kesabaran de lai teadep benda-benda kemurkaan-Ne, de sudo seniap utuk kebinasaan –

ROMA 9:22 ပူးပေါင်းရင်းမြစ်များ

ROMA 1:18

Kunei surgo Allah kemten murko-Ne teadep kute duso ngen kejahatan manusio, sebab kejahatan menghalangi manusio utuk kemnal ajaran benea tetang Allah.

ROMA 9:17

Sebab Kiteb Sucai madeak ngen Firaun, “Do'oba sebabne Uku midup igai ko, adeba supayo Uku kemten kuaso-Ku neak lem ko, ngen supayo gen-Ku termasyhur neak kute dunio.”

ROMA 9:20

Api ko, hoi manusio, mako udi membantah Allah? Jano dapet de nea madeak ngen de meneanne, “Getai ko menea uku awei yo?”

ROMA 9:21

Jano tun de menea pot bungai o behok kemerjo pitok daliak o sekelok ateine? Kunei degum pitok daliak, tun o behok menea duai mecem pot bungai: do de ba'es, ngen de luyenne de agok kidek.

1 TESALONIKA 2:16

Bahkan tobo'o temutup dalen keme utuk melei namen ngen bangso-bangso iso Yahudi bito de dapet semlamat bangso-bangso o. Ngen awei o tun-tun Yahudi o temambeak trus duso-duso tobo'o sapei jumlahne genep. Ngen uyo tobo'o temimo hukuman Allah.

1 TESALONIKA 5:9

Allah miliak ite iso utuk nukum, tapi utuk senlamat-Ne liwet Tuhan te Yesus Kristus.

2 TIMOTIUS 2:20

Neak lem umeak de lai ade memecem perabot. Ade de nea kunei pirok atau emas, tapi ade kulo de nea kunei kieu atau pitok. Ade de nakei utuk keperluan istimewa, ade kulo de nakei utuk keperluan biaso.

1 PETRUS 2:8

ngen “Do'oba butau de menea tun tatuk, butau de menea tobo'o us.” Tobo'o tatuk kerno tobo'o coa pecayo ngen kecek Allah. Awei'oba sudo tentau Allah tetang tobo'o.

1 PETRUS 3:20

adeba roh tun-tun de coa taat ngen Allah pado zaman Nuh menea kepeane. Cuma ade tun-tun de neak kepea bae – kutene tun lapen – de senlamat liwet banjir lai o.

2 PETRUS 2:3

Kerno serakahne gu'au-gu'au palsu o bakea beusaho mesoa utung kunei ko ngen nandei-nandei tobo'o. Tapi utuk plep tobo'o o ukuman bi an tesedio ngen kebinasaan coa bakea buye.

2 PETRUS 2:9

Jijai, Tuhan namen awei ipe semlamat tun-tun de temurut kelok-Ne amen tobo'o madep cobaan-cobaan. Ngen Tuhan namen awei ipe menea tun-tun de jahat utuk senikso pado Bilai Pengadilan,

2 PETRUS 3:15

Anggapba kesabaran Tuhan ite sebagai kesepatan de nelei-Ne ngen udi supayo selamat. Paulus, saudaro ite de tecit'o, sudo temulis de awei'o kulo ngen udi. Si temulis o ngen kebijaksanaan de nelei Allah ngen si.

YUDAS 1:4

Sebab seca'o coa sadar ade tun-tun de seca'o de diem bi masuk moi tengeak-tengeak ite. Tobo'o tun-tun bejat de semaleak bito tetang rahmat Allah ite, utuk dapet kesepatan utuk melampiaskan hawa nafsu tobo'o. Ngen tobo'o coa lok temimo Yesus Kristus, do-done Penguaso ngen Tuhan ite. Sejak bel'o ukuman utuk tobo'o sudo tentau lem Kiteb Sucai