ROMA 9:11 - JANJAI BLAU Lem Bahaso Jang Bebilai

¹¹ Sebab waktau anok-anok o ati laher ngen ati menea de baik atau kidek, – supayo rencano Allah tetang pemilihan-Ne diteguhkan, iso kerno plep tapi kerno panggilan-Ne –

ROMA 9:11 ပူးပေါင်းရင်းမြစ်များ

2 TIMOTIUS 1:9

Allah semlamat ite ngen menok ite supayo jijai umat-Ne suang. Si menea o iso kerno jano de ite bi kenerjo, tapi kerno rencano-Ne suang ngen rahmat-Ne. Si melei ite rahmat-Ne liwet Kristus Yesus ayok dunio yo ade.

2 PETRUS 1:10

Sebab o, Saudaro-saudaro, beusahoba lebiak giat supayo panggilan Allah ngen Piliak-Ne das dirainu o jijai semakin teguak. Amen udi menea o, udi coa bakea murtad.

TITUS 3:5

Si semlamat ite, iso kerno ite sudo menea sesuaktau de baik, tapi kerno Si suang mengasihi ite. Si semlamat ite liwet Roh Allah, de melei ite laher blau, idup blau, ngen dalen semucai ite.

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

ROMA 4:17

Awei ade tetulis, “Ko sudo uku menea jijai Bapa dau bangso.” Awei'oba Allah melei janjai o ngen Abraham. Ngen Abraham pecayo ngen-Si. Siba Allah de midup tun matei, Siba kulo Allah de ngen madeak bae menea jano de coa perneak ade jijai ade.

EFESUS 2:9

do'o iso asea kerjonu, supayo coa ade tun de ombong.

1 TESALONIKA 1:4

Keme namen, Saudaro-saudaro, bahwo Allah mengasihi udi ngen bi miliak udi jijai de Si temuan.

EFESUS 2:3

Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

1 TESALONIKA 2:12

Keme melei nasihat ngen udi, keme melei semangat ngen udi, ngen keme pakso udi supayo idup awei o sehinggo semnang atei Allah. Kerno Allah bi menok udi utuk jijai warga Dunio Blau Allah ngen meding kemulioan-Ne.

EFESUS 3:11

Allah menea o sesuoi ngen rencano-Ne ngen perantara Kristus Yesus Tuhante.