ROMA 8:7 - JANJAI BLAU Lem Bahaso Jang Bebilai

⁷ Sebab kelok temurut tabi'at manusio adeba musuak teadep Allah, kerno si coa takhluk ngen hukum Allah, hal yo memang coa mukin bagiakne.

ROMA 8:7 ပူးပေါင်းရင်းမြစ်များ

MATIUS 12:34

Ko tun jahat, kero ko dapet mucep hal-hal de baik amen ko jahat? Jano de nucep bibia do'oba de keluea kunei atei!

MATIUS 5:19

Kerno'o api de melanggea saleak do periteak-periteak'o sekilai kulo de kembiak titik ngen majea tun luyen utuk menea awei'o, si bakea jijai de kembiak titik neak antaro umat Allah. Tapi api de kemerjo priteak-priteak'o ngen majea tun luyen awei'o kulo, si bakea jijai lai neak antaro umat Allah.

YOHANES 7:7

Dunio coa dapet jengik ngen udi, tapi si jengik Uku, sebab Uku saksai tetang si bahwo kerjo-kerjone kidek.

ROMA 1:28

Sebab manusio coa meraso perlu kemnal Allah, mako Allah munyau pekeran tobo'o jijai usak, sehinggo tobo'o menea hal-hal de tobo'o coa buliak menea.

ROMA 1:30

galok ngupet; tobo'o ombong ngen ku'ang ajea, jengik ngen Allah ngen galok ngike. Tobo'o pacok neak lem kejahatan ngen coa taat ngen tun tuai;

ROMA 3:31

Amen awei o, jano kerno ite pecayo ngen Kristus, ite muang hukum agamo Yahudi? Samo sekilai coa! Sebelekne, keme mego hukum o.

ROMA 5:10

Pado waktau ite jijai musuak, Allah bi demamoi ite liwet kematian Anok-Ne. Telebiak uyo, ketiko ite sudo bi demamoi, pasetba ite bi demamoi-Ne, liwet idup-Ne!

ROMA 7:22

Sebab neak lem batin uku galok ngen hukum Allah,

ROMA 8:4

Allah menea o supayo hukum agamo Yahudi ade neak lem dirai ite, de coa idup temurut tabi'at manusio, tapi temurut Roh Allah.

1 KORINTUS 2:14

Tun de coa temuan Roh Allah, coa dapet temimo jano de nadeak Roh o. Sebab bagiak tun-tun o hal-hal o adeba awei kebodohan bae. Tun o coa dapet ngertai, sebab hal-hal o cuma dapet kenliak seca'o rohani.

1 KORINTUS 9:21

Te'adep tun de iso Yahudi, uku besikep awei suang de iso Yahudi, de idup neak luea ukum Musa. Uku menea o supayo uku dapet temarik tobo'o jijai penotoa Kristus. Tapi do'o coa ade taine bahwo uku coa taat ngen periteak-periteak Allah; sebelekne uku kenuaso periteak-periteak Kristus.

KOLOSE 1:21

Bel'o udi uak kunei Allah ngen jijai musuak-Ne kerno plep ngen pekeran kidek.

KOLOSE 2:18

Jibeakba udi munyau dirainu rugai ngen tun de aweine merendeak dirai ngen sembeak malaikat-malaikat. Tun o ombong ngen pekeran-pekeranne de duniawi ngen mengagung-agungkan pengeliak-pengeliakne de khusus,

2 TIMOTIUS 3:4

Tobo'o galok berhianat, ombong ngen coa peker panjang. Tobo'o lebiak galok temotoa hawo nafsu kunei pado temotoa Allah.

IBRANI 8:10

Tapi uyo, dioba janjai de bakea Uku nea ngen umat Israel pado bilai-bilai de bakea teko, nadeak Tuhan: Uku bakea mpek hukum-Ku moi lem pekeran tobo'o, ngen temulisne neak atei tobo'o. Uku bakea jijai Allah tobo'o, ngen tobo'o bakea jijai umat-Ku.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.

2 PETRUS 2:14

Tobo'o coa gegenyai menea duso, ngen kelok tobo'o adeba mandang selawei nakea. Ngen tun de blau pecayo ngen masiak ku'ang yakin, tobo'o mumbuk. Atei tobo'o bi tebiaso ngen serakah. Tobo'o adeba tun-tun tekutuk!