ROMA 8:3 - JANJAI BLAU Lem Bahaso Jang Bebilai

³ Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

ROMA 8:3 ပူးပေါင်းရင်းမြစ်များ

MARKUS 15:27

Besamo ngen Si, senalib duai tun perapok, suang neak depeak kanen-Ne ngen suang neak depeak kideu-Ne. [

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 9:24

Lajau tobo'o menok utuk keduai kilaine tun de nanone suati'o. Tobo'o madeak ngen Si, “Nadeakba de benea neak adep Allah; keme namen bahwo tun o tun beduso.”

KISAH RASUL-RASUL 13:39

Dong neak lem Si tiep tun de pecayo jijai benea.

ROMA 3:20

Sebab coa su'ang tun kulo dapet benea neak adep Allah kerno kemerjo hukum agamo Yahudi, kerno justru hukum agamo Yahudi tun kemnal duso.

ROMA 6:6

Kerno ite namen, manusio an ite bi senalib kulo, supayo awok duso ite nyep kuasone, kunyau ite coa tunduk igai ngen duso.

ROMA 7:18

Sebab uku namen, bahwo neak lem uku, adeba neak lem uku sebagai manusio, coa ade sesuaktau de baik. Sebab kelok memang ade neak lem uku, tapi iso hal menea jano de baik.

ROMA 8:32

Si, de coa sayang ngen Anok-Ne su'ang, tapi de semreak-Ne utuk ite kute, awei ipe mukin Si coa melei karunio kute sesuaktau ngen ite besamo-samo ngen Si?

ROMA 9:3

Bahkan, uku lok terkutuk ngen ce'ei kunei Kristus demi saudaro-saudaroku, kaum sebangsoku seca'o jasmani.

2 KORINTUS 5:21

Si de coa namen duso bi nea-Ne jijai duso kerno ite, supayo neak lem Si ite jijai benea.

GALATIA 3:13

Kristus bi mbebas ite kunei kutukan hukum agamo. Si menea o ngen munyau dirai-Ne terkutuk kerno ite. Sebab ade tetulis, “Terkutukba tun de matei genatung neak kieu salib!”

GALATIA 3:21

Jano do'o taine bahwo hukum agamo belawen ngen janjai Allah? Paset bae coa! Sebab amen hukum agamo nelei sebagai suaktau de dapet midup, mako memang kebenaran asalne kunei hukum agamo.

FILIFI 2:7

Sebelekne, Si temanggea kutene lajau jijai awei suang hamba. Si jijai awei manusio, ngen keten idup awei manusio.

IBRANI 10:12

Sebelekne, Kristus melei cuma do kurban utuk pengampunan duso, kurban o berlaku utuk selamo-lamone. Sesudo melei kurban o, Kristus temot neak peak kanen Allah ngen meriteak besamo-samo ngen Si.

IBRANI 10:14

Jijai ngen do kurban, Kristus menea tun-tun de sudo senucai kunei duso jijai sempurno.

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

IBRANI 2:17

Dio taine bahwo Si harus jijai serai ngen saudaro-saudaro-Ne lem kute hal. Ngen o Si dapet jijai Imem Lai de setia ngen penuak kasiak. Ngen pelayanan-Ne o duso manusio dapet napun.

IBRANI 4:15

Imem Lai ite o isoba imem de coa dapet meding kelemahan-kelemahan ite. Se belek ne, Si sudo cenubo lem kute hal, serai awei ite suang; cuma Si coa menea duso!

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.