ROMA 8:23 - JANJAI BLAU Lem Bahaso Jang Bebilai

²³ Ngen iso cuma tobo'o bae, tapi ite de sudo temimo karunio pertamo Roh Allah, ite kulo gerunyam lem atei ite samo mbot pengangkatan sebagai anok, adeba pembebasan awok ite.

ROMA 8:23 ပူးပေါင်းရင်းမြစ်များ

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

EFESUS 1:14

Roh Sucai o ba jaminan bahwo ite bakea temimo jano de sudo jenanjai Allah ngen umat-Ne. Dio melei keyakinan ngen ite bahwo Allah bakea mbebas umat-Ne. Tepujaiba Allah kerno keagungan-Ne.

EFESUS 4:30

Jibeakba udi menea atei Roh Allah jijai ibo, de sudo memateraikan udi ayok bilai penyelamatan.

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

GALATIA 5:5

Sebab ngen roh, ngen kerno imen, ite mbot pembenaran de ite ma'ep.

ROMA 7:24

Uku, manusio celako! Api de bakea mbebas uku kunei awok maut yo?

ROMA 8:19

Sebab ngen kembiak indau kute makhluk mbot waktaune anok-anok Allah kenten.

LUKAS 20:36

Sebab tobo'o coa dapet matei igai; tobo'o serai awei malaikat-malaikat ngen tobo'o adeba anok-anok Allah, kerno tobo'o bi idup igai.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.

LUKAS 21:28

Amen hal-hal o muloi tejijai, klongonba ngen naketba ulaunu, sebab tegoa igai udi bakea selamat.”

1 PETRUS 1:7

Tujuanne adeba utuk melei bukti jano udi sungguak-sungguak pecayo ngen Tuhan jano coa. Mas de dapet usak kulo, ntes ngen opoi. Nah, imen udi adeba lebiak bego kunei mas, jijai harus ntes kulo supayo jijai murni. Ngen awei o udi bakea nujai ngen hormat serto nelkat pado bilai Yesus Kristus teko igai.

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

ROMA 5:5

Harapan de awei yo coa bakea menea ite keciwo, kerno atei ite sudo nelei Allah ngen kasih-Ne. Allah menea o liwet Roh-Ne de sudo nelei ngen ite.

EFESUS 5:9

kerno kunei te'ang timboa kebaikan, keadilan ngen kebenaran,

2 KORINTUS 7:5

Ketiko keme sapei neak Makedonia, keme samo sekilai coa sepat istirahat. Neak ipe bae keme meding saro: kunei pihok luea tekea, kunei lem atei suang saben.

ROMA 5:3

Ngen iso do'o bae. Ite malah bangga kulo lem derito ite, kerno ite namen bahwo derito o menea tun jijai taat,

ROMA 5:11

Ngen iso cuma do'o bae! Ite mala bangga lem Allah kerno Yesus Kristus, Tuhan ite, sebab kerno Si ite sudo temimo damoi o.

1 KORINTUS 1:7

sehinggo udi coa ku'ang jejano lem karunio jano bae sementaro udi mbot Tuhante Yesus Kristus teko ngen kenliak kute tun.

2 KORINTUS 1:22

Utuk o Allah sudo menea ite jijai de Allah temuan ngen melei Roh-Ne neak lem ateite sebagoi jaminan bahwo Si bakea melei ngen ite kute de jenanjai-Ne.