ROMA 8:16 - JANJAI BLAU Lem Bahaso Jang Bebilai

¹⁶ Roh o saksai besamo-samo ngen roh ite, bahwo ite adeba anok-anok Allah.

ROMA 8:16 ပူးပေါင်းရင်းမြစ်များ

MATIUS 5:9

Allah melei rahmat ngen tun de mbin damai neak antaro manusio; Allah bakea makau tobo'o adeba anok-anok-Ne!

LUKAS 20:36

Sebab tobo'o coa dapet matei igai; tobo'o serai awei malaikat-malaikat ngen tobo'o adeba anok-anok Allah, kerno tobo'o bi idup igai.

YOHANES 1:12

Tapi kute tun de temimo Si neleine kuaso supayo jijai anok-anok Allah, adeba tobo'o de pecayo lem gen-Ne.

KISAH RASUL-RASUL 5:32

Kemeba saksai-saksai tetang kutene o – keme ngen kulo Roh Sucai de nelei Allah ngen tun-tun de temotoa periteak-Ne.”

ROMA 8:14

Kute tun, de nipin Roh Allah, adeba anok-anok Allah.

ROMA 8:19

Sebab ngen kembiak indau kute makhluk mbot waktaune anok-anok Allah kenten.

ROMA 8:23

Ngen iso cuma tobo'o bae, tapi ite de sudo temimo karunio pertamo Roh Allah, ite kulo gerunyam lem atei ite samo mbot pengangkatan sebagai anok, adeba pembebasan awok ite.

ROMA 8:26

Awei o kulo Roh temulung ite lem kelemahan ite, sebab ite coa namen, awei ipe sebeneane harus bedu'o, tapi Roh su'ang bedu'o utuk ite ngen Allah, ngen keluhan-keluhan de coa tekadeak.

ROMA 9:26

Ngen neak penan, neak ipe bakea nadeak ngen tobo'o: ‘Anok-anok Allah de idup.’ ”

ROMA 9:8

Taine: Iso anok-anok temurut tabi'at manusio adeba anok-anok Allah, tapi anok-anok perjanjian de senbut royot de benea.

2 KORINTUS 1:12

Keme bangga, sebab atei nurani keme melei saksai ngen keme bahwo idup keme neak dunio yo, khususne lem hubungan keme ngen udi, kenuaso ketulusan ngen kemurnian kunei Allah iso kunei dunio, tapi ngen kekuatan anugerah Allah.

2 KORINTUS 1:22

Utuk o Allah sudo menea ite jijai de Allah temuan ngen melei Roh-Ne neak lem ateite sebagoi jaminan bahwo Si bakea melei ngen ite kute de jenanjai-Ne.

2 KORINTUS 5:5

De semiap ite utuk o adeba Allah suang, Allah melei Roh-Ne ngen ite sebagai jaminan.

2 KORINTUS 6:18

Ngen Uku bakea jijai Bapanu, ngen udi bakea jijai anok-anok-Ku, semanei ngen anok-anok-Ku selawei awei yo ba firman Tuhan, De Mahakuaso.”

GALATIA 3:26

Sebab udi kute adeba anok-anok Allah liwet imen neak lem Yesus Kristus.

GALATIA 4:6

Kerno udi adeba anok, mako Allah bi meluak Roh Anok-Ne moi lem atei te, de menggang, “Ya Abba, ya Bapa!”

EFESUS 1:13

Udi kulo bi jijai umat Allah sewaktau udi temi'uk pesen Allah, adeba Bito Baik de melei keselamatan ngen ko. Udi pecayo ngen Yesus Kristus kerno o Allah melei tando de temuan-Ne ngenko, adeba Roh-Ne de jenanjai-Ne.

EFESUS 4:30

Jibeakba udi menea atei Roh Allah jijai ibo, de sudo memateraikan udi ayok bilai penyelamatan.

1 YOHANES 3:1

Kemliakba Allah kembiak mengasiak ite, sehinggo ite senbut anok-anok Allah. Memang ite adeba anok-anok Allah. Do'oba sebabne dunio de kidek yo coa kemnal ite, sebab dunio coa kemnal Allah.

1 YOHANES 3:10

Dioba bedane anok-anok Allah ngen anok-anok Iblis: api de coa menea kelok Allah, atau coa mengasiak saudarone, si iso Anok Allah.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.

1 YOHANES 4:13

Kerno Allah bi melei Roh-Ne ngen ite, mako ite namen bahwo ite bi idup jijai do ngen Allah, ngen Allah idup jijai do ngen ite.

1 YOHANES 5:10

Sebab o, tun de pecayo ngen Anok Allah, sudo temimo saksai o neak lem ateine; tapi tun de coa pecayo ngen Allah, bi manggap amen Allah pendusta, sebab si coa pecayo jano de nadeak Allah tetang anok-Ne.

WAHYU 21:7

Tun-tun de menang bakea temimo kutene yo. Uku bakea jijai Allahne, ngen si jijai anok-Ku.