ROMA 8:10 - JANJAI BLAU Lem Bahaso Jang Bebilai

¹⁰ Tapi amen Kristus ade neak lem udi, mako awok memang matei kerno duso, tapi Roh adeba kehidupan kerno kebenaran.

ROMA 8:10 ပူးပေါင်းရင်းမြစ်များ

YOHANES 14:23

Jawab Yesus, “Amen suang mengasiak Uku, si bakea temotoa firman-Ku ngen Bak-Ku bakea mengasiak si. Keme bakea teko ngen si ngen tinggea sesamo ngen si.

YOHANES 15:5

Ukuba pun anggur ngen ko ba dan-danne. Api bae de tinggea lem Uku ngen Uku lem si, si bebuak dau, sebab neak luea Uku udi coa dapet menea jejano.

YOHANES 17:23

Uku neak lem tobo'o ngen Ko neak lem Uku supayo tobo'o bebenea jijai do, supayo dunio namen bahwo Ko de mutus Uku ngen Ko mengasiak tobo'o, serai awei Ko mengasiak Uku.

YOHANES 4:14

Tapi api bae de menem bioa de bakea Uku melei, si coa bakea haus utuk seke'anne. Sebelekne bioa de bakea Uku melei, bakea jijai matai bioa neak lem dirai ne, de terus bae kemluea bioa sapei pado idup de kekal.”

YOHANES 6:54

Api de mbuk daging-Ku ngen mbuk daleak Ku, si temuan idup de kekal ngen Uku bakea midupne pado Bilai Kiamat.

YOHANES 6:56

Tun de mbuk daging-Ku ngen menem daleak-Ku, tep jijai do ngen Uku, ngen Uku ngen si.

ROMA 5:12

Sebab o, serai awei duso bi masuk moi lem dunio kerno do tun, ngen kerno doso o kulo maut, awei'oba maut bi sapei ngen kute tun, kerno kute tun bi menea duso.

ROMA 5:21

Supayo, serai awei duso bekuaso lem alam maut, awei o kasih karuni bakea bekuaso kerno kebenaran utuk idup de kekal, kerno Yesus Kristus, Tuhan ite.

ROMA 8:11

Ngen amen Roh Allah, de sudo midup igai Yesus kunei antaro tun matei, tinggea neak lem udi, mako Si, de sudo midup igai Kristus Yesus kunei antaro tun matei, bakea midup kulo awoknu de fana o ngen Roh-Ne, de ade neak lem udi.

1 KORINTUS 15:45

Lem Kiteb Sucai tetulis aweiyo, “Manusio de pertamo, adeba Adam, jijai makhluk de idup,” tapi Adam de terakhir adeba Roh de melei idup.

2 KORINTUS 13:5

Cubo udi cemubo dirai suang jano udi benea-benea idup das dasar pecayo ngen Kristus! Paset udi sadar bahwo Kristus Yesus ade neak lem udi! Sebab amen coa awei o, udi coa taen cenubo.

2 KORINTUS 4:11

Sebab keme de masiak idup yo, bogoa senreak ngen maut kerno Yesus, supayo kulo idup Yesus jijai nyato neak lem awok keme de coa kekal yo.

2 KORINTUS 5:21

Si de coa namen duso bi nea-Ne jijai duso kerno ite, supayo neak lem Si ite jijai benea.

GALATIA 2:20

Uyo iso igai uku de idup, tapi Kristus de idup lem dirai uku. Idup de uyo uku maneu seca'o jasmani adeba idup ngen imen lem Anok Allah de sudo mengasihi uku ngen semreak dirai-Ne utuk uku.

EFESUS 3:17

Sehinggo kerno udi pecayo ngen Kristus, Kristus tinggea neak lem ateinu das dasar ngen kenuaso neak lem kasiak.

FILIFI 1:23

Uku desok kunei duai pihok. Uku lok nien teminggea dunio yo utuk lalau tinggea ngen Kristus, sebab do'oba de kebiak baik;

FILIFI 3:9

ngen benea-benea jijai do ngen Si. Hubungan de baik ngen Allah coa igai uku usaho suang ngen ca'o taat ngen hukum agamo. Uyo uku temuan hubungan de baik ngen Allah, kerno uku pecayo ngen Kristus. Jijai, hubungan de baik o teko kunei Allah, das dasar pecayo ngen Kristus Yesus.

KOLOSE 1:27

Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

1 TESALONIKA 4:16

Be malaikat agung bakea menggang ngen sa'ei lek ngen terupet Allah sa'ei sebagai tando aba-aba. Lajau Tuhan Yesus suang bakea tu'un kunei surgo, ngen tun-tun de matei lem Kristus bakea lebiak dute idup igai.

IBRANI 12:23

Udi temotoa sesuaktau pertemuan de meriah – pertemuan anok-anok tuai Allah, de genne ade neak lem surgo. Udi teko madep Allah, Hakim kute umat manusio. Udi madep roh-roh tun-tun baik, de sudo jijai sempurno.

IBRANI 9:27

Allah bi temtep bahwo manusio matei debat bae, sesudo'o Allah nhukum.

WAHYU 14:13

Lajau uku temi'uk sa'ei kunei surgo madek, “Tulisba dio: Muloi uyo, riangba tun-tun de matei waktau dong melayan Tuhan!” “Benea!” jawab Roh Allah. “Tobo'o bakea bedan kerjo keras, kerno asea pelayanan tobo'o bakea semerto tobo'o.”