ROMA 7:7 - JANJAI BLAU Lem Bahaso Jang Bebilai

⁷ Amen awei o, jano de lok ite nadeak? Jano hukum agamo Yahudi o duso? Paset bae coa! Sebelekne, justru kerno hukum agamo Yahudi uku bi kemnal duso. Kerno uku kulo coa namen jano do'o kelok, amen hukum agamo Yahudi coa madeak, “Jibeak lok!”

ROMA 7:7 ပူးပေါင်းရင်းမြစ်များ

MATIUS 5:28

Tapi uyo uku madeak ngen udi: api bae kemliak selawei ngen nafsu, tun'o bi menea zina ngen selawei'o lem ateine.

LUKAS 12:15

Sesudo'o, ngen kute tun de ade neak di Yesus madeak, “Atei-ateiba ngen waspadaba, jibeak sapei udi tamak. Sebab idup manusio coa tegatung kunei hokne, kunyau hokne kembiak dau.”

LUKAS 20:16

Si bakea teko ngen munuak pekerjo-pekerjo o, ngen semreak kebun anggur o ngen tun luyen.” Temi'uk do'o tobo'o madea, “Sekilai-kilai jibeak!”

KISAH RASUL-RASUL 20:33

Ati perneak uku lok caci atau keracok kunei suang kulo.

ROMA 13:9

Kerno Firman: Jibeak berzinah, jibeak munuak, jibeak maling, jibeak lok temuan jano de tun luyen temuan; kutene o besamo-samo ngen hukum-hukum de luyen, sudo temasuk lem firman yo, adeba: “Kasihiba sesamonu manusio awei dirainu su'ang!”

ROMA 3:20

Sebab coa su'ang tun kulo dapet benea neak adep Allah kerno kemerjo hukum agamo Yahudi, kerno justru hukum agamo Yahudi tun kemnal duso.

ROMA 3:5

Tapi amen keadilan Allah jijai tambeak nyato, kerno ite menea de coa benea, jano de lok ite madeak? Bahwo Allah coa adea amen Si mukum ite?

ROMA 4:1

Jijai jano de bakea ite madeak tetang Abraham, Bapa leluhur ite?

ROMA 4:15

Kerno hukum agamo Yahudi mako tejijaiba hukuman Allah, tapi neak ipe coa ade hukum agamo Yahudi, neak di kulo coa ade pelanggaran.

ROMA 5:20

Tapi hukum agamo Yahudi tenambeak, supayo pelanggaran jijai tambeak dau; ngen neak ipen duso tambeak dau, neak di kasih karunia jijai berlimpah.

ROMA 6:15

Jijai awei ipe? Jano ite bakea menea duso, kerno ite coa ade neak beak hukum agamo Yahudi, tapi neak beak kasih karunio? Coa samo sekilai!

ROMA 7:11

Sebab lem periteak o, duso dapet kesepatan utuk ngike uku ngen kerno periteak o si munuak uku.

ROMA 7:13

Amen awei o, jano de baik o menea uku matei? Paset bae coa! Tapi supayo nyato, bahwo si adeba duso, mako duso makei de baik utuk menea uku matei, supayo ngen periteak o duso lebiak nyato igai keadaanne sebagai duso.

ROMA 7:5

Sebab waktau ite masiak idup temurut sifet-sifet manusio de ade kerno hukum agamo Yahudi, kerjo lem anggota-anggota awok ite, kunyau ite melei asea utuk maut.

ROMA 7:8

Tapi lem periteak o duso dapet kesepatan utuk menea kute mecem kelok de tamak neak lem atei ku, sebab amen coa ade hukum agamo Yahudi, mako duso matei.

1 KORINTUS 15:56

Bisai matei adeba duso, ngen duso maneu kerjone liwet ukum agamo.

EFESUS 5:3

Udi adeba umat Allah, sebab o, plep-plep kidek de coa patut, atau serakah, coa patas ade neak tengeak-tengeak udi. Jibeak sapei tun luyen temuan alasan utuk madeak bahwo udi menea hal-hal awei o.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

1 TESALONIKA 4:5

Jibeak idup temotoa kelok hawa nafsu te'adep ngenyannu, awei de nea tun-tun de coa kemnal Allah.

IBRANI 7:19

Hukum agamo Yahudi coa dapet menea sesuaktau kulo jijai sempurno. Do'o sebabne ite uyo nelei harapan de lebiak baik; ngen o ite dapet ma'ok Allah.