ROMA 7:6 - JANJAI BLAU Lem Bahaso Jang Bebilai

⁶ Tapi uyo ite bi bebas kunei hukum agamo Yahudi, sebab ite bi matei utuk si, de kem'ung ite, sehinggo ite uyo melayani lem keadaan blau temurut Roh ngen iso lem keadaan an temurut hukum agamo Yahudi.

ROMA 7:6 ပူးပေါင်းရင်းမြစ်များ

ROMA 1:9

Uku bogoa minget udi amen uku bedu'o. Allah saksaine bahwo jano de uku madeak o benea. Siba Allah de uku melayan sepenuak atei ngen melei namen Bito Baik tetang Anok-Ne.

ROMA 12:2

Jibeakba udi serai awei dunio yo, tapi bubeakba ngen pribadinu de blau, sehinggo udi dapet mbeda ipe de kelok Allah: jano de baik, de semnang atei Allah ngen de sempurno.

ROMA 6:11

Awei'oba lokne udi kemliakne: bahwo udi bi matei utuk duso, tapi udi idup utuk Allah lem Kristus Yesus.

ROMA 6:19

Uku madeak hal yo seca'o manusio kerno kelemahan udi. Sebab serai awei udi bi semreak anggota-anggota awoknu jijai hamba de coa benea ngen de kidek utuk maksud-maksud de kidek. Awei o kulo uyo udi harus semreak anggota-anggota awoknu jijai hamba kebenaran de mbin udi ngen kesucian.

ROMA 6:2

Coa samo sekilai! Ite bi matei neak lem duso, awei ipe ite masiak dapet idup neak lemne?

ROMA 6:22

Tapi uyo, sesudo udi bebas kunei duso ngen sesudo udi jijai hamba Allah, udi dapet asea de mbin udi moi kesucian ngen sebagai kesudone adeba idup de kekal.

ROMA 6:4

Ngen awei o ite bi kenubua besamo-samo Si ngen baptisan lem kematian, supayo, serai awei Kristus bi nidup igai kunei antaro tun matei ngen kemuliaan Bapa, awei o kulo ite bakea idup lem idup de blau.

ROMA 7:1

Saudaro-saudaro, – uku madeak ngen tobo'o de namen hukum – bahwo hukum bekuaso das su'ang tun selamo tun o idup.

ROMA 7:2

Su'ang ngenyan terikat hukum ngen matenne selamo matenne o idup. Tapi amen matenne o matei, si bebas kunei hukum o.

ROMA 7:4

Sebab o, saudaro-saudaroku, udi kulo bi matei utuk hukum agamo Yahudi ngen awok Kristus, supayo udi jijai de tun luyen temuan, adeba Si de temuan, de sudo idup igai kunei antaro tun matei, kunyau ite melei asea utuk Allah.

2 KORINTUS 3:6

Sanggup jijai pelayan-pelayan kunei suaktau janjai blau, janjai de kunei Allah, iso kunei hukum de tetulis. Sebab de tetulis o mbin matei, sedangkan Roh Allah o melei idup.

2 KORINTUS 5:17

Jijai, api de ade neak lem Kristus, si adeba ciptaan blau: De an bi liwet, sesungguakne de blau bi teko.

GALATIA 3:13

Kristus bi mbebas ite kunei kutukan hukum agamo. Si menea o ngen munyau dirai-Ne terkutuk kerno ite. Sebab ade tetulis, “Terkutukba tun de matei genatung neak kieu salib!”

GALATIA 6:15

Senunat atau coa, coa ade taine, De peting adeba jijai manusio blau.

EFESUS 4:24

Lokba udi idup sebagoi manusio blau de nea temurut kelok Allah neak lem kebenaran ngen kesucian de sesungguakne.

FILIFI 3:3

Padahal iteba tun-tun de sudo temimo sunat de sejati, iso tobo'o. Ite sembeak Allah ngen bimbingan Roh Allah suang, ngen ite bersyukur kerno ite idup jijai do ngen Kristus Yesus. Ite coa begatung ngen upacara-upacara de sifetne laher.

KOLOSE 3:10

Udi uyo bi nelei idup de blau. Udi adeba manusio blau, de gidong nea jijai blau terus menerus ngen Penciptane, adeba Allah, temurut betuk-Ne suang. Maksudne adeba supayo udi kemnal Allah ngen sempurno.