ROMA 7:5 - JANJAI BLAU Lem Bahaso Jang Bebilai

⁵ Sebab waktau ite masiak idup temurut sifet-sifet manusio de ade kerno hukum agamo Yahudi, kerjo lem anggota-anggota awok ite, kunyau ite melei asea utuk maut.

ROMA 7:5 ပူးပေါင်းရင်းမြစ်များ

MATIUS 15:19

Kerno kunei atei timboaba pekeran de kidek, ngen lok munuak, menea uleak ngen ngenyan tun, menea uleak kidek, maling, mengike tetang tun luyen ngen fitneak.

YOHANES 3:6

Jano de laher seca'o jasmani sifetne jasmani, ngen jano de laher kunei Roh, sifetne rohani.

ROMA 1:26

Kerno manusio menea de awei yo, mako Allah munyau tobo'o temurut nafsu tobo'o de hino. Selawei-selawei tobo'o coa lok igai ngen semanei-semanei awei de lazimne pado manusio.

ROMA 3:20

Sebab coa su'ang tun kulo dapet benea neak adep Allah kerno kemerjo hukum agamo Yahudi, kerno justru hukum agamo Yahudi tun kemnal duso.

ROMA 4:15

Kerno hukum agamo Yahudi mako tejijaiba hukuman Allah, tapi neak ipe coa ade hukum agamo Yahudi, neak di kulo coa ade pelanggaran.

ROMA 5:20

Tapi hukum agamo Yahudi tenambeak, supayo pelanggaran jijai tambeak dau; ngen neak ipen duso tambeak dau, neak di kasih karunia jijai berlimpah.

ROMA 6:13

Ngen jibeakba udi semreak anggota-anggota awoknu ngen duso utuk nakei sebagai senatai kelaliman, tapi senreakba dirainu ngen Allah sebagai tun-tun, de bel'o matei, tapi de uyo idup. Ngen senreakba anggota-anggota awoknu ngen Allah utuk jijai senatai-senatai kebenaran.

ROMA 6:19

Uku madeak hal yo seca'o manusio kerno kelemahan udi. Sebab serai awei udi bi semreak anggota-anggota awoknu jijai hamba de coa benea ngen de kidek utuk maksud-maksud de kidek. Awei o kulo uyo udi harus semreak anggota-anggota awoknu jijai hamba kebenaran de mbin udi ngen kesucian.

ROMA 6:21

Ngen asea jano de udi dapet kunei padone? Kutene o jijai sebab udi meding selek uyo, kerno kutene o adeba kematian.

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

ROMA 7:23

tapi neak lem anggota-anggota awok ku uku kemliak hukum luyen de berjuang melawen hukum akal budiku ngen menea uku jijai tawanan hukum duso de ade neak lem anggota-anggota awokku.

1 KORINTUS 15:56

Bisai matei adeba duso, ngen duso maneu kerjone liwet ukum agamo.

2 KORINTUS 10:3

Keme memang masiak idup neak lem dunio, tapi keme berjuang das dasar tujuan duniawi.

GALATIA 3:10

Kerno kute tun de idup kunei pekerjaan hukum agamo, kutene idup neak beak kutukan. Sebab ade tetulis, “Terkutukba tun de coa setia kemerjo kute sesuaktau de tertulis lem kiteb hukum agamo.”

GALATIA 5:24

Api bae de sudo jijai de Kristus Yesus temuan, si bi munuak plep manusione ngen kute hawo nafsu ngen kelokne.

EFESUS 2:11

Kerno o, tingetba bahwo bel'o udi adeba tun-tun iso Yahudi seca'o jasmani, de senbut tun-tun coa senunat ngen tobo'o de madeak diraine “senunat”, adeba sunat lahiriah de nea tangen manusio.

EFESUS 2:3

Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

TITUS 3:3

Sebab bel'o ite suang kulo bodong, sesat ngen coa taat. Ite jijai hamba memecem nafsu ngen kelok; ite idup ngen niat-niat kidek ngen kidek atei, serto saling jengik.

YAKOBUS 1:15

Sesudo o, amen kelok de coa baik o tenotoa, mako laherba duso; amen duso bi lai, mako akibatne adeba matei.

YAKOBUS 4:1

Kunei ipe asalne kute selisiak ngen tekea neak antaro udi? Jano do'o asalne iso kunei kelok-kelok udi de terus bae perang neak lem dirainu utuk dapet kesenangan dunio!

1 YOHANES 3:4

Tun de menea duso, melanggea ukum Allah; sebab duso adeba pelanggaran teadep ukum Allah.