ROMA 7:4 - JANJAI BLAU Lem Bahaso Jang Bebilai

⁴ Sebab o, saudaro-saudaroku, udi kulo bi matei utuk hukum agamo Yahudi ngen awok Kristus, supayo udi jijai de tun luyen temuan, adeba Si de temuan, de sudo idup igai kunei antaro tun matei, kunyau ite melei asea utuk Allah.

ROMA 7:4 ပူးပေါင်းရင်းမြစ်များ

MATIUS 26:26

Waktau tobo'o mukmei, Yesus mok ruti, lajau mucep du'o syukur. Sesudo'o Si megit ruti'o ngen tangen-Ne lajau melei ngen penotoa-penotoa-Ne samo madeak, “Mok ngen kembukba, dioba awok-Ku.”

MARKUS 4:20

Ngen akhirne de tenbea neak pitok de baik, adeba tun temi'uk ngen semambut firman'o lajau bebuak, ade de telau puluak kilai lipet, ade de num puluak lipet, ngen ade de sotos kilei lipet.”

YOHANES 15:8

Lem hal yo ba Bapa-Ku nujai, adeba amen udi bebuak dau ngen awei'o udi adeba penotoa-penotoa-Ku.”

YOHANES 3:29

De temuan ngenyan selawei, adeba maten semanei; tapi kuat maten semanei, de je neak pa'ok Si ngen de temi'ukne, kembiak riang temi'uk suaro maten semanei'o. Do'oba keriang ku, ngen uyo keriang ku'o penuak.

YOHANES 6:51

Uku ba ruti de melei idup de sudo tu'un kunei surgo. Amen suang tun mbuk ruti yo, si bakea idup seka'en ne, ngen ruti de bakea Uku melei o adeba daging-Ku, de bakea uku melei utuk idup dunio.”

ROMA 6:11

Awei'oba lokne udi kemliakne: bahwo udi bi matei utuk duso, tapi udi idup utuk Allah lem Kristus Yesus.

ROMA 6:14

Sebab ko coa bakea kenuaso duso igai, kerno udi coa ade neak beak hukum agamo Yahudi, tapi neak beak kasih karunio.

ROMA 6:2

Coa samo sekilai! Ite bi matei neak lem duso, awei ipe ite masiak dapet idup neak lemne?

ROMA 6:22

Tapi uyo, sesudo udi bebas kunei duso ngen sesudo udi jijai hamba Allah, udi dapet asea de mbin udi moi kesucian ngen sebagai kesudone adeba idup de kekal.

ROMA 7:3

Jijai selamo matenne idup si nanggap berzina, amen si jijai ngenyan semanei luyen; tapi amen matenne bi matei, si bebas kunei hukum, sehinggo si iso berzina, amen si jijai ngenyan semanei luyen.

ROMA 7:6

Tapi uyo ite bi bebas kunei hukum agamo Yahudi, sebab ite bi matei utuk si, de kem'ung ite, sehinggo ite uyo melayani lem keadaan blau temurut Roh ngen iso lem keadaan an temurut hukum agamo Yahudi.

ROMA 8:2

Roh, de melei idup bi mbebas udi lem Kristus kunei hukum duso ngen hukum maut.

1 KORINTUS 10:16

Pado waktau ite menem anggur ngen mucep syukur ngen Allah, do'o kemten bahwo ite jijai ngen Kristus lem kematei-Ne. Pado waktau ite magiak ruti utuk nembuk besamo, do'o kemten bahwo ite jijai do lem awok Kristus.

2 KORINTUS 11:2

Uku indau ngen udi, awei Allah suang kulo indau ngen udi. Udi adeba awei suang semulen de masiak sucai de sudo uku jenanjai utuk nikeak ngen suang semanei, adeba Kristus.

GALATIA 3:13

Kristus bi mbebas ite kunei kutukan hukum agamo. Si menea o ngen munyau dirai-Ne terkutuk kerno ite. Sebab ade tetulis, “Terkutukba tun de matei genatung neak kieu salib!”

GALATIA 5:18

Tapi, amen Roh Allah mipin udi, mako udi coa kenuaso hukum agamo.

EFESUS 2:15

Hukum Taurat ngen periteak-periteak ngen aturan-aturanne bi napus Kristus supayo duai bangso o jijai do bangso manusio blau, de jijai do ngen-Si. Ngen ca'o o ba Kristus menea perdamaian.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 4:17

Do'o iso taine uku cuma lok temimo pelei. De uku lok adeba supayo uku dapet kemliak asea-asea de temambeak utung.

KOLOSE 1:10

Ngen awei o udi dapet idup temurut kelok Allah, ngen bogoa semnang atei-Ne, sehinggo lem kute sesuaktau udi dapet melei hal-hal de baik. Ngen pengetahuan udi tetang Allah kulo bakea tambeak kulo.

KOLOSE 1:22

Tapi uyo, ngen kematian Anok-Ne, Allah menea hubungan udi ngen Si jijai baik igai. Ngen ca'o do'o udi dapet nemin madep Allah lem keadaan sucai, murni ngen coa de cacet.

KOLOSE 1:6

Bito kunei Allah o tesebea moi kute dunio, ngen tun-tun te'us diberkati bito o, serai awei udi diberkati sejok udi temi'uk tetang rahmat Allah ngen sebeneane.

KOLOSE 2:14

ngen mbuye su'et utang te'adep ite, de macam ite ngen syarat-syarat de saro. Ngen semalib su'et o moi kieu salib, Allah mapus kute dakwaan te'adep ite.

KOLOSE 2:20

Udi bi matei besamo-samo Kristus, ngen bi bebas kunei roh-roh de kemuaso alam yo. Nah, getai udi idup awei tun de masiak kenuaso dunio yo? Getai udi tunduk ngen peraturan-peraturan awei yo,

IBRANI 10:10

Yesus Kristus bi menea jano de kenlok Allah ngen semreak dirai-Ne sebagai kurban. Ngen persembahan o, de nea-Ne cuma debat bae utuk seke'anne, ite kute senucai kunei duso.

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.

WAHYU 19:7

Maroba ite beriang-riang ngen sukacito; maroba ite mujai kebesaran-Ne! Sebab bi sapei bilai pernikahan Anok Bebirai o, ngen pengaten selawei-Ne bi siap utuk nikeak.

WAHYU 21:9

Do kunei antaro ketujuak malaikat de sudo megong penan-penan de penuak ngen ketujuak bencano terakhir o teko ngen uku ngen madeak, “Maro! Uku bakea kemten ngen udi pengaten selawei, adeba pengaten selawei Anok Bebirai.”