ROMA 7:25 - JANJAI BLAU Lem Bahaso Jang Bebilai

²⁵ Syukur ngen Allah! Ngen Yesus Kristus, Tuhan ite.

ROMA 7:25 ပူးပေါင်းရင်းမြစ်များ

MATIUS 1:21

Mariam bakea melaher anok semenei. Ko harus melei genne Yesus, kerno Si bakea semlamat umat-Ne kunei duso-duso tobo'o.”

ROMA 6:14

Sebab ko coa bakea kenuaso duso igai, kerno udi coa ade neak beak hukum agamo Yahudi, tapi neak beak kasih karunio.

ROMA 6:17

Tapi mucep syukurba ngen Allah! Bel'o memang udi hamba duso, tapi uyo udi ngen segenep atei bi tunduk ngen ajaran de sudo tenrus ngen udi.

ROMA 8:2

Roh, de melei idup bi mbebas udi lem Kristus kunei hukum duso ngen hukum maut.

1 KORINTUS 15:57

Tapi syukur ngen Allah; Si melei ngen ite kemenangan liwet Yesus Kristus Tuhan ite!

2 KORINTUS 9:15

Lokba ite bersyukur ngen Allah das pelei-Ne de luea biaso o.

EFESUS 5:20

Bogoa mucep syukurba das kute sesuaktau lem gen Tuhante Yesus Kristus ngen Allah Bapa ite.

FILIFI 3:3

Padahal iteba tun-tun de sudo temimo sunat de sejati, iso tobo'o. Ite sembeak Allah ngen bimbingan Roh Allah suang, ngen ite bersyukur kerno ite idup jijai do ngen Kristus Yesus. Ite coa begatung ngen upacara-upacara de sifetne laher.

FILIFI 4:6

Jibeakba kuatir tetang jano bae. Lem kute hal, bedu'oba ngen minoiba ngen Allah. Jano de udi perlu, melei namenba do'o ngen Allah ngen mucep mokasiak.

KOLOSE 3:17

Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.