ROMA 7:22 - JANJAI BLAU Lem Bahaso Jang Bebilai

²² Sebab neak lem batin uku galok ngen hukum Allah,

ROMA 7:22 ပူးပေါင်းရင်းမြစ်များ

YOHANES 4:34

Nadeak Yesus ngen tobo'o, “Kembuk-Ku adeba menea kelokne de mutus Uku ngen semelesei kerjo-Ne.

ROMA 2:29

Tapi tun Yahudi sejati adeba tun de ateine berjiwa Yahudi, ngen sunat adeba sunat neak lem atei, seca'o rohani, iso de tetulis neak lem bukau. Tun de awei o temimo pujian kunei Allah, iso kunei manusio.

ROMA 8:7

Sebab kelok temurut tabi'at manusio adeba musuak teadep Allah, kerno si coa takhluk ngen hukum Allah, hal yo memang coa mukin bagiakne.

2 KORINTUS 4:16

Do'oba sebabne keme coa putus asa. Kunyau manusio lahiriah keme tambeak merosot, tapi manusio batiniah keme jijai blau tiep bilai.

EFESUS 3:16

Uku bedu'o semoga Allah de maho mulio kemuet batinnu ngen Roh-Ne.

KOLOSE 3:9

Jibeak mike do ngen de luyenne, sebab idup de an ngen kute sifetne bi udi nuang.

IBRANI 8:10

Tapi uyo, dioba janjai de bakea Uku nea ngen umat Israel pado bilai-bilai de bakea teko, nadeak Tuhan: Uku bakea mpek hukum-Ku moi lem pekeran tobo'o, ngen temulisne neak atei tobo'o. Uku bakea jijai Allah tobo'o, ngen tobo'o bakea jijai umat-Ku.

1 PETRUS 3:4

Sebelekne, lokba kecantikannu ade kunei lem batin, budi pekerti de lemah lembut ngen tenang; do'oba kecantikan kekea de kembiak bego temurut pandangan Allah.