ROMA 7:14 - JANJAI BLAU Lem Bahaso Jang Bebilai

¹⁴ Sebab ite namen. Bahwo hukum agamo Yahudi adeba rohani, tapi uku yo manusio lemah, jenua utuk jijai hamba duso.

ROMA 7:14 ပူးပေါင်းရင်းမြစ်များ

MATIUS 16:23

Yesus kemliak Petrus ngen madeak, “Lalau kunei yo Iblis, koba temgeak Uku. Pekeran nu'o pekeran manusio, iso pekeran Allah!”

MATIUS 18:25

ngen yo coa dapet mlunasne. Jijai rajo'o mriteak, supayo pegawai'o jenuea serpok ngenyan ngen anokne ngen kute hokne utuk masen utangne.

MATIUS 5:22

Tapi Uku madeak ngen udi, tiep tun de mengiak ngen tun luyen, bakea senidang; api de mino tun luyen bakea de senidang neak pengadilan agamo Yahudi. Api de madeak, ‘Coa blu'at ngen kidek plepne,’ patut nuang moi opoi nerako.

MATIUS 5:28

Tapi uyo uku madeak ngen udi: api bae kemliak selawei ngen nafsu, tun'o bi menea zina ngen selawei'o lem ateine.

LUKAS 5:8

Waktau Simon kemliak hal o si kulo sujud neak adep Yesus ngen madeak, “Tuhan, lalauba kuneiku, kerno uku yo tun beduso.”

LUKAS 7:6

Lajau Yesus lalau sesamo ngen tobo'o. Waktau Si coa uak igai kunei umeak perwira o, perwira o meluak kekuatne utuk madeak ngen Si, “Tuan, jibeakba pepayeak, sebab uku coa patut temimo Tuan neak lem umeakku.

ROMA 3:9

Jijai awei ipe? Jano ite temuan kelebihan kunei pado tun luyen? Samo sekilai coa. Sebab neak das bi ite nadeak baik tun Yahudi, atau iso Yahudi, mako tobo'o kute ade neak beak kuaso duso.

ROMA 6:6

Kerno ite namen, manusio an ite bi senalib kulo, supayo awok duso ite nyep kuasone, kunyau ite coa tunduk igai ngen duso.

ROMA 7:18

Sebab uku namen, bahwo neak lem uku, adeba neak lem uku sebagai manusio, coa ade sesuaktau de baik. Sebab kelok memang ade neak lem uku, tapi iso hal menea jano de baik.

GALATIA 4:3

Awei o kulo ngen ite: Selamone ite ati dewasa, ite jijai budok roh-roh de kemuaso dunio yo.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

IBRANI 4:12

Kecek Allah adeba kecek de idup ngen kuet; lebiak tajem kunei pedang matai duai. Kecek o menikem sapei moi batas antaro jiwo ngen roh; sapei moi batas antaro sesendai telan sumsum, sehinggo namen lebiak lem pekeran ngen niat atei manusio.