ROMA 6:4 - JANJAI BLAU Lem Bahaso Jang Bebilai

⁴ Ngen awei o ite bi kenubua besamo-samo Si ngen baptisan lem kematian, supayo, serai awei Kristus bi nidup igai kunei antaro tun matei ngen kemuliaan Bapa, awei o kulo ite bakea idup lem idup de blau.

ROMA 6:4 ပူးပေါင်းရင်းမြစ်များ

YOHANES 11:40

Jawab Yesus, “Iso sudo Uku madeak ngen udi: Amen ko pecayo ko bakea kemliak kemulian Allah?”

YOHANES 2:11

Hal'o nea Yesus neak Kana de neak Galilea, sebagoi de pertamo kunei. Mujizat-mujizat-Ne ngen'o bi melei bukti kemulioan-Ne. Penotoa-penotoa-Ne pecayo ngen-Si.

KISAH RASUL-RASUL 2:24

Tapi Allah midup igai Si sesudo melpas Si kunei sikso maut kerno coa mukin Si tep ade neak lem kuaso maut o.

KISAH RASUL-RASUL 2:32

Yesus yo ba de Allah midup igai. Tetang hal o keme kutene adeba saksai.

ROMA 6:19

Uku madeak hal yo seca'o manusio kerno kelemahan udi. Sebab serai awei udi bi semreak anggota-anggota awoknu jijai hamba de coa benea ngen de kidek utuk maksud-maksud de kidek. Awei o kulo uyo udi harus semreak anggota-anggota awoknu jijai hamba kebenaran de mbin udi ngen kesucian.

ROMA 6:3

Atau udi coa namen, bahwo ite kute de sudo dibaptis lem Kristus, bi baptis lem kematian-Ne?

ROMA 6:8

Jijai amen ite bi matei ngen Kristus, ite pecayo, bahwo ite bakea idup kulo ngen Si.

ROMA 6:9

Kerno ite namen, bahwo Kristus, sesudo Si idup igai kunei antaro tun matei, coa matei igai: maut coa bekuaso igai das Si.

ROMA 7:6

Tapi uyo ite bi bebas kunei hukum agamo Yahudi, sebab ite bi matei utuk si, de kem'ung ite, sehinggo ite uyo melayani lem keadaan blau temurut Roh ngen iso lem keadaan an temurut hukum agamo Yahudi.

ROMA 8:11

Ngen amen Roh Allah, de sudo midup igai Yesus kunei antaro tun matei, tinggea neak lem udi, mako Si, de sudo midup igai Kristus Yesus kunei antaro tun matei, bakea midup kulo awoknu de fana o ngen Roh-Ne, de ade neak lem udi.

1 KORINTUS 6:14

Allah bi midup igai Tuhan Yesus kunei matei, awei o kulo Allah bakea midup ite ngen kuaso-Ne.

2 KORINTUS 13:4

Memang pado waktau Si senalib, Si lemah, tapi uyo Si idup kerno kuaso Allah. Keme kulo lemah lem idup keme de jijai do ngen Kristus, tapi amen madep udi, keme kulo kuet besamo Kristus kerno kuaso Allah.

2 KORINTUS 5:17

Jijai, api de ade neak lem Kristus, si adeba ciptaan blau: De an bi liwet, sesungguakne de blau bi teko.

EFESUS 4:17

Sebab o, uku madeak ngen uku temges dio ngen udi neak lem Tuhan: Jibeak idup igai awei tun-tun de coa kemnal Allah ngen pekeranne de sio-sio.

EFESUS 5:8

Memang bel'o udi ade neak lem kelem, tapi uyo udi adeba te'ang neak lem Tuhan. Sebab o idupba sebagoi anok-anok te'ang,

KOLOSE 3:10

Udi uyo bi nelei idup de blau. Udi adeba manusio blau, de gidong nea jijai blau terus menerus ngen Penciptane, adeba Allah, temurut betuk-Ne suang. Maksudne adeba supayo udi kemnal Allah ngen sempurno.

KOLOSE 4:1

Saudaro-saudaro de jijai tuan, lokba udi adea ngen jujur te'adep hambanu. Tingetba, bahwo udi kulo temuan suang majikan neak surgo.

1 PETRUS 3:21

Nah, kejadian o adeba kiasan kunei baptisan de uyo yo semlamat udi. Baptisan yo iso suaktau upacara semucai awok kunei kute de ngei, meluyen adeba janjainu ngen Allah kunei atei nurani de baik. Baptisan o semlamat udi kerno Yesus Kristus bi idup igai kunei matei,

1 YOHANES 2:6

Api de madeak bahwo si idup jijai do ngen Allah, si harus idup serai awei Kristus bi idup.