ROMA 6:3 - JANJAI BLAU Lem Bahaso Jang Bebilai

³ Atau udi coa namen, bahwo ite kute de sudo dibaptis lem Kristus, bi baptis lem kematian-Ne?

ROMA 6:3 ပူးပေါင်းရင်းမြစ်များ

GALATIA 3:27

Kerno udi kute, dibaptis lem Kristus, jijai udi bi temimo pado dirai udi sifet-sifet Kristus suang.

ROMA 6:8

Jijai amen ite bi matei ngen Kristus, ite pecayo, bahwo ite bakea idup kulo ngen Si.

1 KORINTUS 12:13

Awei'o kulo ite kute, baik tun Yahudi atau iso tun Yahudi, hamba-hamba atau tun-tun bebas; ite kute bi baptis ngen Roh de serai, supayo ite jenijai do ngen awok Kristus. Ite kute kulo meding Roh de do o sepenuakne.

1 PETRUS 3:21

Nah, kejadian o adeba kiasan kunei baptisan de uyo yo semlamat udi. Baptisan yo iso suaktau upacara semucai awok kunei kute de ngei, meluyen adeba janjainu ngen Allah kunei atei nurani de baik. Baptisan o semlamat udi kerno Yesus Kristus bi idup igai kunei matei,

KISAH RASUL-RASUL 2:38

Petrus jemawab, “Tobatba kunei duso-dusonu. Lokba tetiep udi baptis das gen Yesus Kristus, supayo duso-dusonu napun. Mako udi bakea temimo hadiah Roh Sucai kunei Allah.

MATIUS 28:19

Kerno'o lalauba ngen kute bangso neak kute dunio, jijaiba tobo'o penotoa-penotoa-Ku. Baptis tobo'o ngen sembut Gen Bak, Anok, ngen Roh Sucai kunei Allah.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.

1 KORINTUS 9:13

Saudaro paset namen bahwo tun de kerjo neak Bait Allah temimo kembuk tobo'o kunei Bait Allah. Tun-tun de murus penan sedekeak, dapet pao kunei sedekeak'o.

ROMA 7:1

Saudaro-saudaro, – uku madeak ngen tobo'o de namen hukum – bahwo hukum bekuaso das su'ang tun selamo tun o idup.

ROMA 6:16

Jano udi coa namen, bahwo amen udi semreak dirainu ngen suang tun sebagai hamba utuk tunduk ngen si, udi adeba hamba tun o, de harus udi tunduk, baik lem duso de mipin udi ngen kematian, atau lem ketaatan de mipin udi ngen kebenaran?

KISAH RASUL-RASUL 19:5

Waktau tobo'o temi'uk hal'o, tobo'o dibaptis lem gen Tuhan Yesus.

1 KORINTUS 6:9

Jano udi namen bahwo tun-tun de coa motoa kelok Allah, coa bakea jijai anggota umat Allah? Jibeak keno pike! Tun-tun de menea uleak kidek, tun-tun de nyembeak patung, de nga'em, semanei de menea perbuatan kidek de semelek te'adep sesamo jenisne ngen pasanganne,

1 KORINTUS 5:6

Coa patut udi meraso ombong. Mukin udi bi namen peribahaso dio, “Agai de didik menea kute adonan jijai ngembang!”

KISAH RASUL-RASUL 8:16

Sebab Roh Sucai ati tu'un neak das suang kulo neak antaro tobo'o, kerno tobo'o tembei dibaptis lem gen Tuhan Yesus.

2 KORINTUS 13:5

Cubo udi cemubo dirai suang jano udi benea-benea idup das dasar pecayo ngen Kristus! Paset udi sadar bahwo Kristus Yesus ade neak lem udi! Sebab amen coa awei o, udi coa taen cenubo.

1 KORINTUS 15:29

Amen tun matei coa nidup igai, getai ade tun dibaptis utuk tun matei? Utuk jano tobo'o menea hal o? Amen memang tun matei samo sekilai coa bakea nidup igai, utuk jano tobo'o menea hal o?

1 KORINTUS 3:16

Jano udi namen bahwo udi adeba Bait Allah? Ngen bahwo Roh Allah tinggea neak lem udi?

1 KORINTUS 6:19

Udi harus namen bahwo awoknu adeba penan tinggea Roh Allah. Roh o tinggea neak lem udi. Ngen Allah suangba de melei roh o ngen udi. Awok Saudaro iso de ko temuan. Do'o Allah de temuan.

1 KORINTUS 9:24

Saudaro paset namen bahwo neak lem perlombaan, kute peserta milau mlilai, tapi cuma do tun de temimo hadiah. Sebab o mlilaiba awei o sehinggo Saudaro temimo hadiahne.

1 KORINTUS 10:2

Utuk jijai penotoa-penotoa Musa, tobo'o kutene dibaptis neak lem embun ngen laut o.