ROMA 6:12 - JANJAI BLAU Lem Bahaso Jang Bebilai

¹² Sebab o lokba duso coa bekuaso igai neak lem awoknu de fana, supayo udi jibeak igai temotoa kelokne.

ROMA 6:12 ပူးပေါင်းရင်းမြစ်များ

ROMA 13:14

Tapi kunyauba Tuhan Yesus Kristus sebagai perlengkapan senatai te'ang ngen jibeakba murus awoknu utuk memuaskan kelokne.

ROMA 2:8

Allah murka ngen tobo'o de mesoa kepetingan suang, de coa taat ngen kebenaran, tapi taat ngen kelaliman.

ROMA 5:21

Supayo, serai awei duso bekuaso lem alam maut, awei o kasih karuni bakea bekuaso kerno kebenaran utuk idup de kekal, kerno Yesus Kristus, Tuhan ite.

ROMA 6:14

Sebab ko coa bakea kenuaso duso igai, kerno udi coa ade neak beak hukum agamo Yahudi, tapi neak beak kasih karunio.

ROMA 6:16

Jano udi coa namen, bahwo amen udi semreak dirainu ngen suang tun sebagai hamba utuk tunduk ngen si, udi adeba hamba tun o, de harus udi tunduk, baik lem duso de mipin udi ngen kematian, atau lem ketaatan de mipin udi ngen kebenaran?

ROMA 8:11

Ngen amen Roh Allah, de sudo midup igai Yesus kunei antaro tun matei, tinggea neak lem udi, mako Si, de sudo midup igai Kristus Yesus kunei antaro tun matei, bakea midup kulo awoknu de fana o ngen Roh-Ne, de ade neak lem udi.

ROMA 8:13

Sebab, amen udi idup temurut tabi'at manusio, udi bakea matei; tapi amen ngen Roh udi munuak plep-plep awoknu, udi bakea idup.

2 KORINTUS 4:11

Sebab keme de masiak idup yo, bogoa senreak ngen maut kerno Yesus, supayo kulo idup Yesus jijai nyato neak lem awok keme de coa kekal yo.

2 KORINTUS 5:4

Selamo ite tinggea neak lem umeak de kunei dunio yo, ite gerunyam kerno bebante benek. Iso kerno ite lok mpas kunei awokte de kunei dunio yo, tapi kerno ite lok makei awok de kunei surgo o, supayo awokte de pacok matei yo kenuaso de idup.

GALATIA 5:16

Maksudku adeba: Kunyauba Roh Allah mbimbing udi ngen jibeakba idup temurut kelok manusio.

GALATIA 5:24

Api bae de sudo jijai de Kristus Yesus temuan, si bi munuak plep manusione ngen kute hawo nafsu ngen kelokne.

EFESUS 2:3

Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

EFESUS 4:22

Sebab o tenanggeaba manusio an ngen pola idup an de gidong nusak ngen kelok-kelokne de seset.

1 TESALONIKA 4:5

Jibeak idup temotoa kelok hawa nafsu te'adep ngenyannu, awei de nea tun-tun de coa kemnal Allah.

2 TIMOTIUS 2:22

Sebab o, Ne'uakba nafsu tun u'ai. Berusahoba utuk idup temurut kelok Allah, setia ngen ajaran-Ne ngen mengasihi sesamo, serto temuan atei de tenang. Idupba awei o besamo tobo'o de menggang minoi tulung ngen Tuhan, ngen atei de sucai.

TITUS 2:12

Rahmat Allah o majea ite supayo coa igai idup melawen kelok Allah ngen coa temotoa kelok duniawi. Ite najea utuk idup lem dunio yo ngen namen temaen dirai, tulus, setia ngen Allah.

TITUS 3:3

Sebab bel'o ite suang kulo bodong, sesat ngen coa taat. Ite jijai hamba memecem nafsu ngen kelok; ite idup ngen niat-niat kidek ngen kidek atei, serto saling jengik.

1 PETRUS 1:14

Taatba ngen Allah, jibeakba idup temurut keloknu de bel'o, pado waktau udi masiak ati kemnal Allah.

1 PETRUS 2:11

Saudaro-saudaro de tecito! Udi adeba tun asing ngen perantau neak dunio yo. Kerno o uku minoi nien supayo udi jibeak temotoa hawa nafsu manusio de bogoa perang melawen jiwo.

YUDAS 1:16

Tun-tun o bogoa bae menggerutu ngen semaleak tun luyen. Tobo'o idup temurut klok-klok tobo'o de beduso. Tobo'o ngerunyam tetang dirai suang, jemilet tun supayo dapet utung.

YUDAS 1:18

Tobo'o melei namen telebiak dute ngennu bahwo menjelang akhir zaman bakea timboa tun-tun de bakea mino udi, adeba tun-tun de idup temurut klok-klok tobo'o de beduso.