ROMA 6:11 - JANJAI BLAU Lem Bahaso Jang Bebilai

¹¹ Awei'oba lokne udi kemliakne: bahwo udi bi matei utuk duso, tapi udi idup utuk Allah lem Kristus Yesus.

ROMA 6:11 ပူးပေါင်းရင်းမြစ်များ

YOHANES 20:31

Tapi hal-hal yo bi cenatet, supayo udi pecayo bahwo Yesusba Rajo Penyelamat, Anok Allah, ngen supayo kerno pecayo, udi dapet idup lem gen-Ne.

ROMA 16:27

Siba do-done Allah, Si mahabijaksana. Semoga Si jenunjung selamo-lamone liwet Yesus Kristus! Amin. Hormat keme, Paulus, hamba Kristus Yesus

ROMA 5:1

Sebab o, ite de benea kerno imen, ite idup lem damoi sejahtera ngen Allah kerno Tuhan ite, Yesus Kristus.

ROMA 6:10

Sebab kematian-Ne adeba kematian teadep duso, debat bae ngen utuk seke'anne, ngen idup-Ne adeba idup utuk Allah.

ROMA 6:13

Ngen jibeakba udi semreak anggota-anggota awoknu ngen duso utuk nakei sebagai senatai kelaliman, tapi senreakba dirainu ngen Allah sebagai tun-tun, de bel'o matei, tapi de uyo idup. Ngen senreakba anggota-anggota awoknu ngen Allah utuk jijai senatai-senatai kebenaran.

ROMA 6:2

Coa samo sekilai! Ite bi matei neak lem duso, awei ipe ite masiak dapet idup neak lemne?

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

ROMA 7:4

Sebab o, saudaro-saudaroku, udi kulo bi matei utuk hukum agamo Yahudi ngen awok Kristus, supayo udi jijai de tun luyen temuan, adeba Si de temuan, de sudo idup igai kunei antaro tun matei, kunyau ite melei asea utuk Allah.

ROMA 7:6

Tapi uyo ite bi bebas kunei hukum agamo Yahudi, sebab ite bi matei utuk si, de kem'ung ite, sehinggo ite uyo melayani lem keadaan blau temurut Roh ngen iso lem keadaan an temurut hukum agamo Yahudi.

ROMA 8:18

Sebab uku yakin, bahwo saro zaman uyo yo coa dapet nebanding ngen kemuliaan de bakea nelei ngen ite.

1 KORINTUS 6:20

Allah bi temukua udi ngen bi masen udi lunas. Sebab'o, muliakanba Allah ngen awoknu.

EFESUS 2:7

Allah nea o supayo pado zaman de bakea teko, manusio dapet kemliak padeak laine kasih Allah. Kasih o kenten Allah liwet kebaikan atei-Ne ngen ite liwet Yesus Kristus.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 4:7

Mako sejahtera kunei Allah de coa mukin dapet manusia ngertai, bakea jemago atei ngen pekerannu de sudo jijai do ngen Kristus Yesus.

KOLOSE 2:20

Udi bi matei besamo-samo Kristus, ngen bi bebas kunei roh-roh de kemuaso alam yo. Nah, getai udi idup awei tun de masiak kenuaso dunio yo? Getai udi tunduk ngen peraturan-peraturan awei yo,

KOLOSE 3:17

Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.