ROMA 6:10 - JANJAI BLAU Lem Bahaso Jang Bebilai

¹⁰ Sebab kematian-Ne adeba kematian teadep duso, debat bae ngen utuk seke'anne, ngen idup-Ne adeba idup utuk Allah.

ROMA 6:10 ပူးပေါင်းရင်းမြစ်များ

2 KORINTUS 5:21

Si de coa namen duso bi nea-Ne jijai duso kerno ite, supayo neak lem Si ite jijai benea.

1 PETRUS 4:6

Do'o sebabne Bito Baik sudo nelei kulo ngen tun-tun matei. Maksudne supayo tobo'o, de bi nadea lem keadaan jasmani – awei'o halne kute tun bakea nadea dapet idup seca'o rohani, temurut kelok Allah.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

2 KORINTUS 5:15

Kristus bi matei utuk kute tun, supayo tobo'o de idup, coa igai idup utuk diraine suang, tapi utuk Si de sudo matei ngen nidup igai utuk tobo'o.

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

ROMA 6:11

Awei'oba lokne udi kemliakne: bahwo udi bi matei utuk duso, tapi udi idup utuk Allah lem Kristus Yesus.

LUKAS 20:38

Si iso Allah tun matei, tapi Allah tun idup, sebab neak adep Si kute tun idup.”

ROMA 6:9

Kerno ite namen, bahwo Kristus, sesudo Si idup igai kunei antaro tun matei, coa matei igai: maut coa bekuaso igai das Si.